E fundit!

19:19 Kosova & Bota

I nxehti ekstrem në Greqi/ Qeveria urdhëron pezullim të detyrueshëm të punës për 4 orë në disa sektorë

Greqia ka ndërmarrë disa masa emergjente për mbrojtjen e p...

Drejtësia e Korçës në Vetting/ Nga denoncimet tek milionerët që “paralizuan” Gjykatën e Apelit

17 Shkurt 2021, 09:57, Vetingu CNA

Paralelisht me nisjen e procesit të Vettingut, CNA.al ka hedhur dritë mbi pasuritë, por edhe në aspektin profesional të gjyqtarëve dhe prokurorëve në të gjithë vendin.

Si pasojë e Vettingut, Korça rrezikoi të mbetej pa Gjykatë Apeli. Në fund të vitit 2020, u dha alarmi se Gjykata e Apelit në Korçë ka kaluar në kolaps, pasi nga gjashtë gjyqtarë që kishte të emëruar mbeti vetëm një.

Vetingu shkarkoi katër gjyqtarë ndërsa një tjetër dha dorëheqjen. Për pasojë, puna në këtë gjykatë, ngeci dhe seancat mbetën në duar të gjyqtarëve të komanduar nga Këshilli i Lartë Gjyqësor.

Sotiraq Lubonja, Entela Prifti, Brunilda Orhani dhe Etleva Temo u shkarkuan nga vetingu për probleme me justifikimin e pasurisë, ndërsa Stavri Kallço dha dorëheqjen. I vetmi gjyqtar që mbeti në detyrë ishte Olsi Xhavella, ndërsa u komanduan Arta Duka dhe Dritan Hasani.

Të gjitha shkarkimet e Vettingut patën emërues të përbashkët pasurinë. Komisioni i Pavarur i Kualifikimit dhe Kolegji i Posaçëm i Apelimit, argumentuan se katër gjyqtarë të Apelit të Korçës nuk arritën të justifikonin pasuritë.

Pra, Vettingu nxori nga drejtësia milionerët gjyqtarë, që dështuan të justifikonin financat dhe patundshmërinë e vënë ndër vite. Ndërsa gjyqtarët e Gjykatës së Shkallës së Parë, pjesa më e madhe e tyre ende nuk kanë dalë në Vetting, por janë nën hetime nga KPK sëbashku me prokurorët, një pjesë e të cilëve janë lakuar negativisht në aspektin professional, pa lënë mënjanë edhe atë pasuror.

Kujtojmë se në vitin 2012, Ministria e Drejtësisë kërkoi fillimin e procedimit disiplinor për 12 prokurorë në Prokurorinë e Korçës, pasi dyshoheshin se kishin kryer shkelje të rënda për 212 çështje. Shkeljet ishin konstatuar gjatë kontrollit të ushtruar nga Ministria e Drejtësisë në muajin prill të vitit 2012, me objekt ecurinë e politikës penale e në veçanti e politikës së dënimit, të ndjekur nga prokurorët e Prokurorisë së Korçës përgjatë vitit 2011.

Pasuria e prokurorëve dhe e gjyqtarëve të Korçës, të cilët ende s?kanë dalë në Vetting, në disa raste është e dyshimtë, pasi nuk mungojnë dhuratat në formë finance, makinat e shtrenjta apo të tjera patundshmëri.

Ndërsa në aspektin professional në sy bien, denoncimet nga qytetarët për falsifikime, zvarritje seancash dhe jo vetëm.

Më poshtë po sjellim shkrimet mbi pasurinë dhe aspektin profesional të gjyqtarëve dhe prokurorëve të Korçës.

E denoncuar nga emisionet investigative/ Pasuria e të emëruarës së KLP, në krye të Apelit Korçë

Vettingu i ?preu kokat? e kolegëve/ Pasuria e të fundmit, të Gjykatës së Apelit, Korçë

Me pesë vite eksperiencë ?kap? KLGJ/ Gjyqtarja me një pagë, me apartament në Dajt

U denoncua për falsifikim të orës së aksidentit/ Prokurori i ?listës së zezë?, në filtrin e Vettingut

Prokurori i Korçës, nën ?darën? e Vettingut

Mes biznesit të prindërve dhe dyerve të Gjykatës/ Gjyqtarja që ?kopsiti? Prokurorinë për dosjen e vrasjes

Nga kërcënimi tek skandalet për pronat/ Gjyqtari që ndan drejtësi me pasuri të dyshimtë

Gjyqtarja me makinë të shtrenjtë dhe kredi/ 20 000 euro dhuratë, për të blerë shtëpi

Nga investimi në lokal tek puna në drejtësi/ Pasuria e gjyqtarit që u kërcënua në seancë

Nga dosja ?Mezhgorani? tek pasuria/ Gjyqtari që ?dorëzoi? Henri Çilin në SPAK