web counter
LEXO PA REKLAMA!

SHKARKO APP

App Store
Google Play

E fundit!

x

Faktet/ Ku ka koncensione dhe korrupsion të Ramës është edhe Lulzim Basha

21 Qershor 2020, 11:58, Politikë CNA

Edhe mbështetësi i i flaktë i Lulzim Bashës në rast se do të lexonte me vëmendje faktet dhe do të analizonte ngjarjet një pas një, akuzat për koncesionet dhe korrupsionin e qeverisë do të kuptonte se pas çdo bëme dhe gjëme të Edi Ramës, del Lulzim Basha. Shfaqet si sulmues pastaj bën avokatin, pasi paguhet haraçi i tij.

Le t?i shohim një e nga një, nga e fundit deri tek e para, dhe më pas vetë lexuesit do jenë ata që do gjykojnë mbi të vërtetat e renditura më poshtë nga ne.

Korrupsioni dhe mbyllja e gojës që ka bërë Lulzim Basha në lidhje me inceneratorët, është një skandal që nuk mund të kalojë në heshtje.

Kjo është një aferë të paktën 200 milion euro, koncension që fillon në Elbasan, shkon në Fier dhe deri në Tiranë, në disa kompani të cilat fillojnë në kryeqytetin e Shqipërisë dhe përfundojnë në Holandë, më pas rikthehen në Shqipëri, shkojnë në kompani të tjera në Bullgari ku lidhet dhe gjithashtu drejtori i Top Channel, Ben Blushi, apo dhe aksione në kompani të tjera ku përfshihet dhe pronarja e Top Channel, Vjollca Hoxha.

Kompania e inceneratorëve është denoncuar dhe ka pasur dhjetëra fakte dhe nga vetë eksponentë të opozitës me një dosje voluminoze, por në asnjë rast dosja nuk çohet në SPAK. Basha e mban në zyrë.

Të gjithë pyesnin pse!? Pse Lulzim Basha nuk e çon në Prokurori dhe në SPAK dosjen e inceneratorëve? Pse ai e mban të fshehur atë! E ka në zyrë, e ka të përgatitur, e ka të gatshme dhe me fakte dhe argumente të reja publikuar edhe nga mediat, por ajo nuk shkon në Prokurori. Luli e ruan si relike në zyrë, pasi e përdor kur i duhen fonde.

Por le të shikojmë një rast tjetër. Është koncensioni i Rrugës së Kombit. Një betejë e madhe u bë në atë kohë, banorët e Kukësit dolën protestuan dhe sulmuan godinat e koncensionarit privat. Në fakt duheshin sulmuar institucionet e qeverisë, jo biznesi privat, por Lulzim Basha fërkoi barkun dhe në këtë rast gjeti zgjidhjen, pasi i la djemtë e Kukësit në burgje shkoi dhe strehoi kunatin e tij tek koncensionari i Rrugës së Kombit.

Është një nga rastet më flagrante të akteve të tij korruptive. Nuk flet asnjë fjalë për Rrugën e Kombit dhe koncensionet, thjeshtë dhe vetëm thotë se do të heqë traun që kur të vijë në pushtet të thotë se nuk e hiqja dot! Ky është Lulzim Basha!

Por le të shohim një fakt të tretë. A e kanë vënë re demokratët dhe shqiptarët që Luli nuk flet më për Vilma Nushin, për koncensionin e famshëm të Chec Up-it që nxorri gratë me prostatë dhe burrat me barrë! A e ka dëgjuar më kush të flasë Lulzim Bashën për këtë koncension!? Të gjithë çuditen pse flet për një kohë dhe pastaj hesht! Sepse po të hapësh kompanitë e familjarëve të tij, ata paguajnë nga milionat e kompanive koncensionare të gjitha që kanë përfituar në shumë raste janë të konfirmuara se kanë paguar pranë kunatit të tij, pranë kunatit të Bashës. Luli përmed për një kohë emrin dhe më pas hesht pasi merr benefitet.

Le të kujtojmë një rast tjetër i cili është jo shumë i vjetër. Vilat lulsoze të Lulzim Bashës në një resort të ndërtuar nga oligarku Agron Papuli, i shumë akuzuar dy vite më parë nga Lulzim Basha në mënyrë shumë të ashpër në lidhje me tendera dhe koncensione, me blerje makinash e te tjera si këto. Më pas heshti dhe Lulzim Basha përfundon në vila luksoze në Rolling Hills. Thotë se u largua përkohësisht me qira pasi apartamenti i tij ishte dëmtuar. Në fakt apartamenti s?ka asnjë dëmtim dhe Luli vazhdon prej gati një viti të jetojë në vilat e tij luksoze të marra tek Agron Papuli pasi e sulmoi këtë të fundit dhe me vilat Agroni bleu heshtjen e Lulzim Bashës. (Lexo këtu)

Le të shkojmë më tej, tek të tjera koncensione, tek dializa, tek sterilizimi i pajisjeve mjekësore, të cilat janë pjesë e kompanive që Lulzim Basha dikur i denonconte por tani nuk i përmend më.

Pra kudo ku ka koncensione, kudo ku ka korrupsion të qeverisë, del Lulzim Basha. Një herë me Gert Bogdanin në Zimbabeve, pastaj me paratë e paguara nga kompanitë e koncensioneve tek kunati i tij, pastaj me vilat tek koncensionarët e akuzuar prej tij, apo benefite të tjera pafund e pafund.

Një kryetar opozite i cili del në çdo aferë korruptive, koncensionare të Edi Ramës. Ky është Lulzim Basha i Republikës së Re! Faktet flasin vetë, ka dhe të tjera por ne renditëm disa më kryesoret./ CNA.al

Basha nuk çon në SPAK inceneratorët/ Gert Bogdani si garanci për pazaret

Inceneratorët, koncesioni korruptiv që fillon tek Ilir Meta, shkon tek Edi Rama dhe përfundon tek Lulzim Basha

Gerti Bogdani, garancia e Lulzim Bashës tek koncesioni i inceneratorëve

Pse Basha nuk çon në SPAK dosjen e inceneratorëve?!

Lidhja kriminale e Lulzim Bashës dhe Ben Blushit me inceneratorët

Foto fakt/ Basha pranon publikisht përfshirjen në aferën e inceneratorëve

Gerti Bogdani, garancia e Lulzim Bashës tek koncesioni i inceneratorëve





Lajmet e fundit nga