Politikë
Lidhja kriminale e Lulzim Bashës dhe Ben Blushit me inceneratorët
Kryetari i Republikës së re, Lulzim Basha në pothuajse çdo dalje të tij mediatike, kryefjalë ka “koncesionet dhe oligarkët”, pavarësisht se faktet kanë treguar jo pak herë se Basha “fle” me të ashtuquajturit oligarkë.
I tillë është rasti i Agron Papulit, i cili u sulmua në disa deklarata mediatike por më pas ra heshtje dhe “rastësisht” zbulohet se Lulzim Basha ka marrë vilë tek kompleksi “Long Hill” i biznesmenit në fjalë.
Po ashtu kujtojmë këtu edhe Rrugën e Kombit. Basha betohej se nuk do lejonte vendosjen e traut, megjithatë më pas i tradhëtoi kuksianët dhe sërish “rastësisht” kunati mori zyrat tek koncesionari i Rrugës së Kombit.
Por këto nuk janë rasti i vetëm.
CNA.al ka publikuar një dosje investigative të plotë në lidhje me skandalin e inceneratorëve, në Shqipëri por çuditërisht Lulzim Basha nuk flet për inceneratorët. Mjaftohet me deklaratat që bën në studiot televizive, koncesione, koncesione, por ama nuk ndërmerr asnjë hap ligjor, për të zbardhur të vërtetën e tyre.
Po ashtu në muajin shkurt 2020, CNA.al ka zbuluar me dokumente edhe ortakërinë e Ben Blushit, me pronarët e inceneratorëve, ku marrëdhënien tregtare e ka Eva Blushi, bashkëshortja e Ben Blushit.
CNA.al ka treguar me dokumente zyrtare se Eva Blushi është bashkëaksionere me Klodian Zoton dhe Mirel Mërtirin, në kompaninë Em Capital Group Ad. Një kompani e themeluar në Bullgari, ku Eva Blushi gëzon 30% të aksioneve. (Lexo këtu).
Ne shtuam në dosjen publike të këtij denoncimi, edhe mjaft të dhënë të reja, që fillonin në Hollandë, shkonin në Bullgari e përfundonin në Tiranë, tek Ministria e Mjedisit e deri tek ortakëritë e pronarëve të inceneratorëve me Ben Blushin apo edhe aksioneren e Top Channel, Vjollca Hoxhën.
Pas zbulimit me dokumente të skandalit të inceneratorëve, pritej një reagim i ashpër i Lulzim Bashës dhe PD-së, por në fakt kjo nuk ndodhi.
Lulzim Basha në asnjë rast nuk e ka çuar dosjen në SPAK, duke i bërë kështu një mbrojtje ligjore koncesioneve.
Ndërkohë, dje ka shpërthyer një skandal i dytë në Zimbabve, pas atij të parit për anullimin e inceneratorëve.
Një ditë më parë në media është raportuar se, ortaku i kompanisë që ka marrë me koncesion inceneratorët në Shqipëri, është përfshirë në një skandal në Zimbabve të Afrikës, në lidhje me dy tendera në fushën e shëndetësisë dhe blerjen e materialeve anti-covid. Tendera që kapin vlerën 60 milion dollarë.
Skandali, i cili po zhvillohet prej dy muajsh në vendin afrikan, zbulon për herë të parë edhe fytyrën e “njeriut-hije” të inceneratorëve në Shqipëri, Klodian (alias Mirel) Mërtiri.
Mërtiri, i cili deri tani njihej vetëm si emër që qëndron pas inceneratorëve në pronësi formale të Klodian Zotos, është paraqitur në Zimbabve me emrin Ilir Dedja.
Qeveria e Zimbabves ka urdhëruar anulimin e një tenderi 60 milionë USD që agjencia shtetërore shëndetësore, “Natpharm” kishte lidhur me kompaninë “Drax International” të biznesmenit shqiptar, Ilir Dedja, nën dyshime për aferë korruptive.
Në shkrimin e “Zimlive”, Ilir Dedja raportohet si biznesmen shqiptaro-italian, pronar i kompanisë “Drax International”, e njohur edhe me emrin tregtar “Drax Consult SAGL”.(Lexo këtu)
Po ashtu Agjencia e lajmeve “Zimlive”, e cila ka raportuar më herët për skandalin e tenderit të ilaçeve, ka publikuar një foto të zyrtarëve të lartë të atij vendi, me biznesmenin shqiptar Ilir Dedja (Klodian Mërtiri) dhe ish-deputetin e Partisë Demokratike, Gerti Bogdani, përfaqësuesi i Lulzim Bashës pranë inceneratorëve.
Fotoja flet qartë sesi krahu i djathtë i Lulzim Bashës, një nga mbështetësit e tij kryesor është në krah të Mirel Mërtirit, ortakut të Klodian Zotos.
Pra, Basha ashtu si edhe në rastet e tjera, tregon se merr para ku të mundet e si të mundet dhe gjithçka duket në publik është thjeshtë dhe vetëm fasadë dhe gënjeshtër.
Basha është ortaku hajdut i Edi Ramës./ CNA.al
Skandali 60 mln USD në Zimbabve zbulon fytyrën e Klodian Mërtirit, njeriut-hije të inceneratorëve
Ekskluzive dokumenti/Zbulohet ortakëria e Klodit të inceneratorëve me Ben Blushin
Politikë
Maliqi mesazh Ramës/ Rilindasit që bëjnë fushatë vrimave, e dinë ç’i pret pas 25 Prillit
Kandidati për deputet i Partisë Lëvizja Socialiste për Integrim, në qarkun e Beratit, Lefter Maliqi nëpërmjet një postimi në rrjetet sociale thekson se në çdo shtëpi e oborr po bashkohen me këtë forcë si e vetmja rrugë për të shpëtruar Shqipërinë.
Ndër të tjera Maliqi theksoj se Partia Socialiste bën fushatë “vrimave” pasi përballë qytetarëve nuk kanë guxim.
“Në çdo shtëpi, në çdo oborr, lëndinë e mal, të gjithë na bashkohen si shansi i vetëm për të shpëtuar Shqipërinë dhe shqiptarët. Rilindasit bejnë fushatë ‘vrimave’ sepse ballë për ballë me qytetarët kanë marrë atë që meritojnë. Secili nga mavitë po nxiton ti shpëtojë asaj që e pret pas 25 Prillit. Votoni nr 6 LSI – Votoni nr 7 Lefter Maliqi! Fitorja e Opozitës së Bashkuar nis nga Berati!”- shkruan Maliqi.
Politikë
Video-Rama rikthehet si aktor/ Batuta me “policin”: Po ika unë ju mori lumi
Kryeministri Edi Rama ka ardhur sërish si aktor mbrëmjen e sotme për qytetarët, pas rolit të tij në filmin e Ermal Mamaqit “I Love Tropoja”.
Por sot ai ka luajtur një skeç humori për emisionin “Binjakët” e vëllezërve Romeo dhe Donald Veshaj, në Vizion Plus.
Donald Veshaj ka luajtur rolin e shoferit të kreut të qeverisë, por ky i fundit, i bezdisur nga fotot dhe videot e shoferit të tij ka kërkuar të dalë vetë në timon për të shëtitur nëpër Vlorë.
Sapo Rama ka hipur në vendin e shoferit, vëllai tjetër, Romeo, i veshur si polic ka ndaluar e tyre. Kur ai ka parë kryeministrin është emocionuar dhe ka telefonuar sallën operative.
Kur Rama i tha se duhej të largohej, Romeo i kërkoi të mos ikte nga qeveria. Ky skeç është shoqëruar me batuta dhe me momente humoristike, duke na e rikthyer kreun e qeverisë edhe njëherë si aktor.
Bashkëbisedimi i plotë:
Rama: Po ça bën o burr, akoma me këto, je në terezi mo , mbylle atë, po maskën ku e ke maskën, merr mo maskën
Donaldi: Më fal, shefi më fal.
Rama: Mbylle atë mbylle, po çfarë tipi je ti mo burrë.
Donaldi: Më fal, të lutem më fal.
Rama: Po çe ke këtë fiksim me këtë videoselfi mo?
Donaldi: Po trendi i momentit.
Rama: E di, çke hajde dil mbrapa se do t’i jap vetë makinës!
Donaldi: Pse? Do t’i japësh ti makinës, pse ka ndodhur diçka e keqe?
Rama: Jo nuk ka ndodhur asgjë
Donaldi: Pse je mërzitur, çfarë ka ndodhur?
Rama: Hajde mo mbrapa po të them, dua të shof Vlorën vetëm unë, aty në timon si e ndjenë Vlorën Hajde.
Donaldi: Do t’i japësh vetëm makinës?
Rama: Do ti jap vetë makinës, ec!
Donaldi: Ok, ok!
Rama: Uhhhh. Atë Dua Lipën ku e ke atë, dua Dua Lipën unë.
Donaldi ndërkohë bën videoselfi.
Rama: Dëgjo lëre atë video mos më bezdis tani, lëre!
Donaldi: O pasha, pasha!
Rama: O do më lësh të shijoj Vlorën?
Donaldi: Jam në vendin tënd tani.
Kryeministrin e ndalon polici (Romeo)
Rama: Po ky çfarë do ky tani?
Donaldi: Ooo polici!
Romeo: A mund ta ulësh pak maskën?
Rama ngre maskën.
Rama: Është ai!
Donaldi: Po s’jemi nis akoma mo burrë.
Rama: Po çfarë ke mo burrë?
Romeo: 12-ta si më dëgjon?
Qendra Operative: Të dëgjoj, të dëgjoj !
Romeo: Kam ndaluar një njeri të madh!
Qendra Operative: Ndonjë analist?
Romeo: Më të madh, më të madh, ngrije.
Qendra Operative: Ndonjë biznesmen?
Romeo: Më të madh, më të madh, ngrije
Qendra Operative: Ndonjë deputet?
Romeo: Opo ngrije akoma, ngrije.
Qendra Operative: Ministër?
Romeo: Më të madh po të them.
Qendra Operative: Po Ramën s’e ke ndaluar pra.
Romeo: Po ça thua o të keqen vëllai, ky Ramën e ka shofer!
Rama: Po çfarë thua mo do na leshë të ikim tani se kam dalë për të parë Vlorën njëherë vetëm o burrë tani.
Romeo: Prit pak, mos ik, e di që gjendja e tanishme të ka mërzitur.
Rama: Ça është kjo mo?
Romeo: Prit pak, mos ik!
Rama: Ore do iki të shoh Vlorën, je në vete apo jo?
Romeo: A për të parë Vlorën?
Rama: Po pse për çfarë?
Romeo: Aaa ok!
Rama: Po po ika unë ju mori lumi ju, je në terezi apo jo, po ik tani.
Romeo: A ok!/ CNA.al
Politikë
Video – Rama në timon/ I ndodh “e papritura” në Vlorë
Kryeministri Edi Rama shpeshherë na ka surprizuar duke ardhur për publikun në mënyra të ndryshme, si politikan, si piktor, madje edhe si aktor.
Një debat të gjerë Rama krijoi me shfaqjen e tij si aktor në filmin “I Love Tropoja”, ku ai kishte rolin e dajës së Ermal Mamaqit, personazhit kryesor.
Por mbrëmjen e sotme Rama ka ardhur sërish me një skeç humori, por këtë herë për emisionin “Binjakët” të vëllezërve Veshaj.
Gjatë skeçit të humorit, Rama del në timon për të ngarë makinën dhe për të bërë xhiro nëpër Vlorë.
Por në një moment i del njëri prej vëllezërve Veshaj, i veshur si polic dhe e ndalon, por emocionehet kur sheh kryeministrin dhe i kërkon të mos ikë.
E gjithë kjo është një pjesë humoristike, e cila është transmetuar mbrëmjen e sotme në Vizion Plus. Për më tepër, ndiqni videon e mëposhtme./ CNA.al
