Petrit Vasili ironizon mjekët/ “Lutjet e mekura të profesionistëve s’duhet të ishin ndaj popullit”

21 Qershor 2020, 15:08, Politikë CNA
Petrit Vasili ironizon mjekët/ “Lutjet e mekura të

Ish-ministri i Shëndetësisë dhe nënkryetari i LSI-së Petrit Vasili, ka sulmuar qeverinë për shifrat aktuale të të infektuarve në vendin tonë.

Në një postim në rrjetet sociale, Vasili deklaron se shifrat e larta kanë ardhur si shkak i masave të qeverisë.

?Pandemia në Shqipëri është absolutisht e zhytyr në paqartësi, pasiguri dhe padije. Kaosi i shkaktuar i shkaktuar që në fillim nga mosveprime dhe qëndrime kontradiktore të rrezikshme të qeverisë, që ka folur e vepruar vetëm me gojen e FB të Edi Ramës kanë prodhuar pasojat e sotme. Shifrat disa herë më të larta sot se sa në pikun e pandemisë flasin vetë dhe analizën e tyre mund ta bëjë edhe një epidemiolog fillestar?, shkruan ai, ndërsa nuk kursen as mjekët që bëjnë thirrje për qytetarët.

?Lutjet anemike e të mekura të disa profesionistëve ndaj popullit, kur duhet t?i flasin e flisnin fort dhe me zë të lartë qeverisë, që shpërdoroi politikisht pandemine, nuk ndihmojne askënd. Në mungesë të revoltës profesionale ndaj sharlatanizmit qeveritar, heshtja e këtyre profesionistëve do të ishte shumë më e dobishme. Të predikosh kundër fakteve, që shkencërisht flasin vetë është mungesë integriteti.

Të ngarkosh popullin me përgjegjësi, kur qeveria nuk mbrojti as personelin shëndetësor është pabesi profesionale. Të mos hapësh gojën kur Edi Rama çon mijëra policë në mes të pandemisë te Teatri dhe bashkia mbledh dhjetëra fëmijë nëpër sebepet propagandistike të saj, pra kur qeveria vetëpërhap pandeminë, është e dhimbshme për ca profesionistë?, nënvizon nënkryetari i LSI-së.

Sipas tij, përballë një qeverie që i kërkon mjekëve të qendrave shëndetësore të bëjnë maska me çarçafët e shtëpisë dhe të thuash fajin e ka populli është poshtërim profesional.

?Përgjegjësinë e drejtimit të qartë e profesional të pandemisë e ka vetëm qeveria. Dështimin e saj qeveria pabesisht ja hedh në kurriz popullit. Edi Rama dhe qeveria zgjodhën të refuzojnë me kokëfortësi çdo propozim e sugjerim. Sot flasin vetëm broçkulla, që nuk bindin asnjë shqiptar. Shifrat e pandemisë janë një dëshmi e pakundërshtueshme e kaosit.

Prodhimi i lajmeve të turpshme duke shkelur çdo ligj e norme siç ka ndodhur me disa njerëz të njohur të cilëve u është bërë publike prekja nga COVID-19 është një tjetër dëshmi e falimentimit. Ka vetëm një fajtor e përgjegjës për administrimin mizerabël të pandemisë dhe ky është Edi Rama që pati marrëzinë të printe vetë budallëkun e tij?, përfundon Vasili./ CNA.al

Lajmet e fundit nga