Connect with Us

“Dosja Top Channel”, pjesa e parë/ Si u themelua dhe filluan përplasjet në gjykata

Lajme

“Dosja Top Channel”, pjesa e parë/ Si u themelua dhe filluan përplasjet në gjykata

Publikuar

-

Dje CNA.al paralajmëroi se do publikonte të plotë “dosjen Top Channel”, e cila i ishte dorëzuar pak kohë më parë ambasadores së SHBA në Tiranë, Yuri Kim.

Një dosje voluminoze që ne po e sjellim në disa pjesë. Gjithçka ka të bëjë me Top Channel, përplasjet dhe gjyqet midis aksionerëve, paditë e Vjollca Hoxhës dhe rruga e gjatë në gjykata, ku dy aksionerët kryesorë Albert Sino dhe Aurel Bacci, po vazhdojnë betejat e tyre me sistemin e korruptuar të drejtësisë.

Si u themelua Top Channel

Me vendimin Nr. 25561, datë 29.03.2001, të Gjykatës së Shkallës së Parë Tiranë, është regjistruar si person juridik shoqëria “Top Channel” fillimisht e themeluar si shoqëri me përgjegjësi të kufizuar me Ortak të Vetëm dhe Administrator Z. Dritan Hoxha, më pas është shndërruar në shoqëri aksionere me Vendimin Nr. 2556/1 datë 24.02.2016, me po të njëjtin Aksioner të Vetëm dhe Administrator Z. Dritan Hoxha.

Kur dhe si u shitën aksionet

Më datë 15.06.2007, u nënshkrua kontrata për shitje aksionesh ndërmjet shtetasit Dritan Hoxha, në cilësinë e shitësit dhe Aksionerit të Vetëm të shoqërisë “Top Channel” sh.a dhe shtetasve Albert Sino dhe Aurel Baçi në cilësinë e Blerësit.

Nëpërmjet kësaj kontrate, Shitësi Dritan Hoxha, Aksioneri i Vetëm i shoqërisë “Top Channel” sh.a, ju shet kundrejt cmimit përkatës 60% të aksioneve të shoqërisë, përkatësisht Z. Albert Sino 40% dhe Z. Aurel Baçi 20%.

Pronësia pas aksidentit fatal të Dritan Hoxhës

Më datë 23.05.2008, Z. Dritan Hoxha ndërron jetë. Me vendimin Nr. 5259 datë 06.06.2008, Gjykata e Rrethit Gjyqësor Tiranë ka lëshuar dëshminë e trashëgimisë ligjore të tij duke cilësuar si trashëgimtarë ligjorë të radhës së parë bashkëshorten Vjollca Hoxha dhe fëmijët Lorela, Sara, Redia dhe Itan Hoxha.

Pas ndërrimit jetë të të ndjerit, pjesëmarrja në kapitalin e shoqërisë “Top Channel” sha është si më poshtë:

-Z. Albert  Sino, zotërues i 40% të aksioneve të shoqërisë;

-Z. Aurel Baçi, zotërues i 20% të aksioneve të shoqërisë

-Znj. Vjollca Hoxha, dhe fëmijët Lorela, Sara, Redia dhe Itan Hoxha, zotërues secili prej tyre i 8% të aksioneve, pra në total 40%.

Që nga ky moment dhe në vazhdim, aksioneret e mësipërm të shoqërisë “Top Channel” sha, kanë bashkëpunuar dhe menaxhuar bashkarisht për cdo cështje të shoqërisë, duke mos pasur asnjë pretendim apo kundërshtim ndaj njërit- tjetrit. Albert Sino dhe Aurel Baçi, në cilësinë e zotëruesve të 60% të aksioneve të shoqërisë, kanë ndërmarrë dhe kryer të gjitha veprimet e njohura nga ligji tregtar në lidhje me aksionet, duke zotëruar dhe marrë përsipër të gjitha të drejtat dhe detyrimet të rrjedhura nga zotërimi mbi këto aksione. Përgjatë 9 viteve në vazhdim, kanë marr rregullisht pjesë në mbledhjet e aksionereve të shoqërisë, duke marrë vendimet përkatëse në unanimitet të plotë dhe pa kontestime nga cilido aksioner tjetër.

LEXO EDHE:  Dosja 339/ Në gjyq 12 emra, mes tyre nipërit e ish-deputetit dhe ish-kampioni i mundjes

9 vjet më pas Vjollca Hoxha fillon përplasjet dhe gjyqet gjyqet

Pavarësisht  kësaj veprimtarie rreth 9-vjecare si aksioner të shoqërisë, më datë 18.01.2016, nga aksionerët zotërues të 40% të aksioneve: Vjollca Hoxha, Lorela Hoxha, Sara Hoxha, Redia Hoxha, Redia Hoxha dhe Itan Hoxha, në cilësinë e bashkëshortës dhe trashëgimtarëve ligjorë të të ndjerit Dritan Hoxha, dhe njëkohësisht në cilësinë e aksionerëve të shoqërisë “Top Channel” sha, i janë drejtuar me kërkesëpadi Gjykatës së Rrethit Gjyqësor Tiranë, duke kërkuar detyrimin kundrejt Albert Sinos dhe Aurel Baçit, në cilësinë e të paditurve, ti njohin paditësit pronar edhe mbi 60% të aksioneve të shoqërisë “Top Channel” sh.a si dhe marrjen e masës se sigurimit  nëpërmjet pezullimit të ushtrimit të të drejtave që rrjedhin nga zotërimi i aksioneve si dhe ndalimin e tjetërsimit të aksioneve, në shoqërinë Top Channel sh.a, nga të paditurit Albert Sino dhe Aurel Baçi.

Përplasjet në gjykata

Pas marrjes dijeni në lidhje me trupin gjykues, në 29.01.2016, Albert Sino dhe Aurel Baçi i janë drejtuar Gjykatës së Rrethit Gjyqësor Tiranë me kërkesë për përjashtimin e gjyqtares Teuta Hoxha nga gjykimi i mëtejshëm i çështjes civile me nr. 5059 Akti, regjistruar në datën 18.01.2016 pranë Gjykatës së Rrethit Gjyqësor Tiranë. Me vendimin nr. 180 Akti, datë 05.02.2016, Gjykata e Rrethit Gjyqësor Tiranë ka vendosur “rrëzimin e kërkesës ”.

Masa e sigurimit

Gjykata në mënyrë të paligjshme dhe të paprecedent, me vendimin nr. 5059, datë 05.02.2016, pranon kërkesën dhe merr masën e sigurimit duke pezulluar të drejtat që rrjedhin nga zotërimi i aksioneve, thënë ndryshe mosmarrjen pjesë në mbledhjet e përditshme të shoqërisë, të nevojshme dhe të domosdoshme për mbarëvajtjen e saj, si dhe ndalimin e tjetërsimit të tyre nga ana e të të paditurve.

Pas shpalljes së këtij vendimi për masën e sigurimit të marrë nga gjyqtarja Teuta Hoxha, Albert Sino dhe Aurel Baçi, aksioner mazhoritar, zotërues të 60% të aksioneve të shoqërisë Top Channel, të cilëve ju është shkaktuar një dëm i rëndësishëm moral dhe ekonomik, duke dëmtuar rëndë dhe në mënyrë të padrejtë interesat e tyre, paraqesin kallëzim penal pranë Prokurorisë së Rrethit Gjyqësor Tiranë, kundrejt Gjyqtares Teuta Hoxha, për shpërdorim detyre bazuar në fakte dhe prova të argumentuara./ CNA.al

vijon

Top Channel dhe Vjollca Hoxha shantazh gjyqtarëve

Si do të zgjidhen gjyqet e Top Channel në Gjykatën e Lartë?!

Ekskluzive/ Dosja Top-Channel, përfundon në ambasadën Amerikane

 

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Lajme

Vodafone Albania vlerësohet nga umlaut si rrjeti më i mirë në Shqipëri

Publikuar

-

Nga

Vodafone Albania vlerësohet nga umlaut si rrjeti më i mirë në Shqipëri

Një prej kompanive lider, ndërkombëtar, në testimin e cilësisë së infrastrukturave dixhitale, umlaut, publikoi rezultatet e testimeve më të fundit të kryera në Shqipëri, ku rezulton se Vodafone Albania ka marrë pikët më të larta të arritura ndonjëherë në vendin tonë, në të gjithë treguesit e performancës së rrjetit celular.

Umlaut ka analizuar cilësinë e rrjeteve celulare në  Shqipëri, duke testuar performancën e shërbimeve voice dhe data në celular, në qytete të mëdha e të vogla, si edhe rrugë ndërqytetëse. Bazuar në testimet e kryera, Vodafone Albania arriti pikët më të larta të marra ndonjëherë në vendin tonë (893 pikë nga 1000), përsa i përket performancës së rrjetit në total, cilësisë së telefonatës, cilësisë së internetit, si dhe performancës nga të dhënat crowdsourced, rezultate që theksojnë edhe një herë standardin e lartë në cilësinë e shërbimeve të ofruara nga Vodafone në Shqipëri.

Drejtori i Përgjithshëm i Vodafone Albania, Achilleas Kanaris, u shpreh: “Kjo arritje historike është rezultat i investimeve të vazhdueshme dhe tregues që këto investime kanë sjellë diferencën në treg. Jemi shumë krenarë që kemi ndërtuar një rrjet të fuqishëm e të qëndrueshëm në Shqipëri, i cili arriti performancën maksimale edhe në situata sfiduese, siç ishte periudha e Covid-19. Ky rezultat nuk është vetëm një arritje e radhës për kompaninë, por edhe një përgjegjësi më shumë për të ruajtur intensitetin e punës sonë, në realizimin e shoqërisë dixhitale për Shqipërinë, nëpërmjet rrjetit të fuqishëm Vodafone Gigabit.”

LEXO EDHE:  Kush u bë shkak për të hetuar Ylli Ndroqin?

LEXO EDHE:  Sa qesharake argumentat për ndryshimet në Top Channel

Drejtori Ekzekutiv i Telekomunikacionit në umlaut, Hakan Ekmen, përgëzoi kompaninë  Vodafone për këtë arritje: “Përgëzoj Vodafone Albania për arritjen. Me 893 pikë, skuadra e Vodafone ka arritur rezultatet më të larta të siguruara ndonjëherë në Shqipëri në testimet e umlaut. Klientëve Vodafone iu ofrohet cilësia më e mirë e shërbimeve celulare. Vlerësimi i performancës së rrjeteve celulare nga umlaut standardizon industrinë, duke vlerësuar me korrektësi dhe transparencë infrastrukturën globale dixhitale.”



Vodafone Albania ka qenë dhe do të jetë gjithmonë forca lëvizëse e zhvillimit të industrisë së komunikimeve elektronike në Shqipëri. Superioriteti në cilësinë e rrjetit është rezultat i investimeve të vazhdueshme në infrastrukturën e rrjetit dhe angazhimit maksimal të kompanisë për të garantuar cilësinë dhe shërbimet më të mira në treg për klientët.

Për më shumë informacion rreth rezultateve të testimeve umlaut vizitoni:

https://www.umlaut.com/en/benchmarking/albania

 

LEXO TE PLOTE

Lajme

Trafikant droge me lidhje terroriste/ Ylli Ndroqi drejt një akuze të re?!

Publikuar

-

Nga

Trafikant droge me lidhje terroriste/ Ylli Ndroqi drejt një akuze të re?!

SPAK publikoi gati 10 ditë më parë një njoftim të gjatënë lidhje me vendimin për sekuestrimin e pasurive të shtetasit Ylli Ndroqi, i cili në fakt është trafikanti i drogës Xhemail Pasmaçiu, sipas INTERPOL, me të paktën dy ngjarje kriminale në lidhje me trafikun e drogës në Turqi dhe Itali.

Sipas SPAK “Në datë 02.09.1998 nga ekipet e sektorit kundër narkotikëve të Drejtorisë së Policisë së Stambollit Turqi, pas kryerjes së hetimeve proaktive dy-mujore, në kuadër të operacionit të policisë ″ESAS″, për trafik ndërkombëtar lëndësh narkotike, janë sekuestruar 30.5 kg lëndë narkotike heroinë dhe janë arrestuar në flagrancë shtetasit Ismail Cira, Musa Kazim AY, Fatmir Sofia, Hekuran Hoxha, Cevdet Sahin Balcilar, Abdulselam Yunus dhe Ylli Ndroqi, i paraqitur me emrin Xhemail Pasmaçiu.

Nga ana e shërbimeve të policisë gjyqësore në Drejtorinë e Përgjithshme të Policisë së Shtetit janë administruar gjurmët daktiloskopike të shtetasit Ylli Ndroqi (alias Xhemail Pasmaçiu) dhe nëpërmjet Zyrës Qëndrore Interpol Tirana janë dërguar për krahasim zyrave homologe në Ankara, Turqi dhe Romë, Itali.

Ylli Ndroqi (Xhemail Pasmaçiu)

Nga të dhënat e siguruara nga Shërbimet e Policisë Gjyqësore në Drejtorinë e Përgjithshme të Policisë së Shtetit, në bashkëpunim me Zyrën Qëndrore Kombëtare, Interpol-Ankara, Turqi, është konfirmuar se shtetasi Ylli Bahri NDROQI, i datëlindjes 11.03.1965, lindur dhe banues në Tiranë, është i njëjti person me Xhemail (Xhemal) PASMACIU (PASMAÇIU), i arrestuar në Turqi.

Zyra Qëndrore Kombëtare Interpol ka përcjellë të dhëna për aktivitetin kriminal të shtetasit Ylli Ndroqi (alias Xhemail Pasmaçiu), të siguruara nga Interpol Roma/Itali. Autoritetet italiane kanë konfirmuar se në vitin 2004 shtetasi Ylli Ndroqi (alias Xhemail Pasmaçiu), është referuar tek Autoritetet Gjyqësore në përfundim të operacionit ″BAKLLAVA″, si organizator i trafikut të drogës për llogari të një grupi kriminal, i përbërë kryesisht nga shtetas shqiptarë.

Në vijim ai u arrestua më datë 17.02.2015 bazuar në urdhër arrestin e lëshuar në vitin 2006 nga Prokuroria e Milanos. Nga analiza e fakteve dhe e dokumentacionit të administruar përsa i përket pasurive të shtetasit Ylli Ndroqi (alias Xhemail Pasmaçiu), dhe familjarëve të tij, rezulton se kanë një nivel të pajustifikuar ekonomik dhe dyshohet se këto pasuri të paluajtshme apo të luajtshme, t’i kenë fituar si rezultat i veprimtarisë së tij kriminale që ai ka zhvilluar në Shqipëri, Turqi dhe Itali.”, shkruhet në njoftimin publik të shpërndarë nga SPAK. Por ky njoftim përfshin vetëm hetimet dhe të dhënat siguruara nga INTERPOL, për aktivitetin kriminal në trafikun e drogës. SPAK nuk jep asnjë të dhënë dhe nuk flet për asnjë hetim në lidhje me terrorizmin.

Nga personat e arrestuar në Turqi me Ylli Ndroqin (alias Xhemail Pasmaçiu) është edhe personi i quajtur Abdulselman Turgut, i cili u bë anëtar i një celule terroriste, që planifikoi të kryente sulme terroriste në kampin e muxhahedinëve iranianë që  jetojnë në Shqipëri.

LEXO EDHE:  Dosja 339/ Në gjyq 12 emra, mes tyre nipërit e ish-deputetit dhe ish-kampioni i mundjes

LEXO EDHE:  Kush u bë shkak për të hetuar Ylli Ndroqin?

Celula terroriste që planifikoi sulme në Shqipëri. Turgut (ortak i Ndroqit në trafikun e drogës)

Turgut ishte pjesë e një strukture, të lidhur me terroristë iranianë,  që planfikuan të sulmonin kampin e MEK ditën e Sulltan Nevruzit, ndërsa drejtori i Policisë, Ardi Veliu në zbërthimin e operacionit që u parandalua, i mëshoi fort këtij personi, madje duke kujtuar edhe lidhjet e tij të vjetra  të trafikut të drogës me  trafikantë shqiptarë.

“…Turgut, i njohur si një bos mafioz turk dhe kreu i një rrjeti të fuqishëm ndërkombëtar të trafikut të drogës është burgosur së fundmi në Azerbajxhan dhe në Turqi me akuza për trafik droge. Turgut ka gjithashtu lidhje të vjetra me krimin e organizuar në Shqipëri. Turgut është liruar nga një burg në Turqi në fund të vitit 2018. Në vitin 2011, Turgut është burgosur gjithashtu në Shqipëri me akuza në lidhje me trafikimin e dyshuar të rreth 1 ton heroinë, por u arratis nga vendi duke përdorur një pasaportë false, pasi gjykata ndërroi masën e sigurisë nga “Arrest në burg” në “Arrest shtëpie”, deklaronte vitin e kaluar Policia e Shtetit, ndërsa vendimi për arrestin shtëpiak ishte firmosur nga gjyqtari Gjin Gjoni, vendim që e shpëtoi nga ekstradimi në Gjermani.

Agjencitë ligjzbatuese, përfshi këtu SPAK, SHISH, Policia e Shtetit etj nuk mund të qëndrojnë vetëm tek historitë e drogës dhe ccështjet të cilat Ylli Ndroqi, pretendon se i ka mbyllur me procedurë apo për ndonjë ka bërrë dhe burgun, apo ska dënim final me vendim gjykate. Nuk mund të lihet një trafikant droge me lidhje me element terroristë të shihet thjesht dhe vetëm si dikush që u pasurua nga droga dhe pronat duhet ti sekuestrohet për aktivitetin e tij. SPAK dhe çdo strukturë e shtetit duhet të zbardhë çdo akuzë dhe fakt që lidhet me aktivitet e tjera që pasojnë trafikun e drogës. Rasti i njohjeve me persona të akuzuar për terrorizëm ndërkombëtar është një nga më flagrantët dhe më i rëndësishëm sesa trafiku i drogës. /CNA.al

Si u zhvillua aksioni antidrogë në Turqi/ Xhemal Pasmaçiu dhe një turk ishin pritësit e heroinës



Biznesmen i ndershëm dhe me borxhe/ Po trafikant droge kush ka qenë?

18 muaj hetime në bashkëpunim me ndërkombëtarët/ Policia jep detaje nga sekuestrimi i pasurive të Ylli Ndroqit

Po hajduti (trafikanti) ka faj?

Nga trafiku i drogës, tek celulat terroriste/ Lidhjet kriminale të Ylli Ndroqit dhe paralajmërimet e gazetarëve

Ylli Ndroqi dhe lidhjet me elementët terroristë ndërkombëtarë

 

LEXO TE PLOTE

Lajme

Disa pyetje për ‘avoketërit’ e Ben Blushit

Publikuar

-

Nga

Disa pyetje për ‘avoketërit’ e Ben Blushit

Publikimi i disa shkrimeve për Ben Blushin nga portali ynë ka nxitur një seri reagimesh nga një numër ‘avoketërish’, disa prej tyre në formën e gjysmë-lutjeve, të tjera në formën e kritikave, ndërsa në fund nuk mungojnë edhe ata që na orientojnë sesi duhet ta bëjmë punën, duke harruar se kjo që po bëjmë është gazetari e pastër dhe korrekte, krejt ndryshe nga gazetaria e Blushit që nga nisja e karrierës e deri në ditët e sotme.

Edhe pse janë të shumtë ata që mendojnë se kjo është një mbrojtje e varfër dhe pa argumente, që blihet nga reklamat e kompanisë Digitalb në disa portale, sërish u detyrohemi lexuesve disa sqarime për ‘avoketërit’ e Blushit.

E para, ne jemi të hapur dhe ftojmë këdo të hedhë poshtë me argumente faktet që i janë servirur dhe do i serviren publikut. Por ata e dinë se faktet janë kokëforta.

E dyta, skandalet e publikuara për Blushin lidhen me kohën kur ai ka qenë deputet, pra politikan. Ne si portal mendojmë se çdo fakt që sjell në vëmendjen e publikut abuzimin me pushtetin apo shkeljen e ligjit nga njerëzit e pushtetit, janë në interes të publikut.

E treta, media e lirë ka për detyrë të publikojë skandalet. Disa media mund të zgjedhin të mos i publikojnë nëse e shohin të arsyeshme, por nuk duhet lejuar që paratë e reklamave t’i kthejnë këto portale në reklamë të abuzimit të pushtetit, pastrimit të parave dhe falsifikimit.



LEXO EDHE:  Kush u bë shkak për të hetuar Ylli Ndroqin?

E katërta, këta ‘avoketër’ na sugjerojnë se duhet të merremi me abuzimet dhe skandalet e qeverisë dhe të ministrave që abuzojnë me paratë publike, duke harruar se këtë detyrë e bëjmë më mirë se çdo portal tjetër në vend. Por pyetja që lind është se kur Top Channel paska dijeni për këto abuzime me fondet publike, përse nuk raportojnë për këtë gjë?

LEXO EDHE:  Gjykata urdhëron shoqërimin me forcë në gjyq të ish-kryebashkiakut Shukri Xhelili

E pesta, vërtet historia e Blushit në krye të Top Channel mund të lihet mënjanë pasi është problemi i tyre nëse e kanë kthyer median në kazan të Edi Ramës me audiencën në rënie, por ky bëhet problem kombëtar pasi bëhet fjalë për një media kombëtare që ka censuruar deklaratat e PD për aferat korruptive të ministrave dhe të qeverisë.

Të gjithë ata ish-kolegë të Blushit, që sot kanë një dritare online, duhet të shqetësohen më shumë për fyerjet e Blushit ndaj një tjetër ish-kolegu, Andi Bejtjes, kurse Blushit duhet t’i bëjnë vetëm një thirrje: të përgjigjet ndaj akuzave me dëshmi konkrete./Syri.net

 

LEXO TE PLOTE