Connect with Us

Ekskluzive/ Dosja Top-Channel, përfundon në ambasadën Amerikane

Politikë

Ekskluzive/ Dosja Top-Channel, përfundon në ambasadën Amerikane

Publikuar

-

Dhjetra procese gjyqësore, qindra të larguar nga puna, përplasje aksionerësh, largime të themeluesve, ortakëri me kompanitë e inceneratorëve tek Lori Kafe, dhe shumë skandale të tjera janë faktet e publikuara kohë pas kohe për Vjollca Hoxhën, aksioneren e Top Channel, e cila prej më shumë se dy vjetësh në krye të televizionit ka emëruar politikanin e dështuar që se votoi as lagja e tij Ben Blushi.

CNA.al ka mësuar së fundi se dosja e proceseve gjyqësore dhe përplasjeve për aksonet e Top Channel ka përfunduar në ambasadën e SHBA-ve në Tiranë.

Një kopje e plotë e të gjitha skandaleve që kanë ndjekur këtë process është dorëzuar tek ambasadorja Yuri Kim.

Gjyqet e filluara nga Vjollca Hoxha, për mos njohjen e aksioneve të shumicës prej 60% që mbaheshin nga Albert Sino dhe Aurel Baci, paditë në prokurori, spektaklet në spoces, vendimet, përplasjet, deri të ccdo abuzim dhe shkelje ligjore në process janë ccuar tek Ambasada e SHBA-ve.

LEXO EDHE:  Pazare, korrupsion dhe biznese të fshehura të pushtetarëve/ Pse duhet rishikuar ligji për deklarimin e pasurisë

Kjo dosje më e plotë, pas vendimit të Gjykatës të Apelit Tiranë dhe dërgimit të saj në Gjykatën e Lartë, është e dyta që dërgohet në këtë ambasadë. Materiali i përgatitur nga një grup juristësh është i detajuar dhe prek çdo hap të procesit, ndërhyrjet, dhe pretendimet për një proces të manipuluar dhe vendim korruptiv të gjykatës.

CNA.al ka siguruar dosjen e plotë do ta publikojë të plotë materialin që është dorëzuar ambasadores Yuri Kim./CNA.al

Si do të zgjidhen gjyqet e Top Channel në Gjykatën e Lartë?!

Top Channel dhe Vjollca Hoxha shantazh gjyqtarëve

Dështimi i Reformës në Drejtësi/ Si gjyqtarë pa vetting do të kapin Gjykatën e Lartë dhe Kushtetuesen

Baxhanaku i Ben Blushit anëtar i Gjykatës së Lartë

Dorëheqje dhe shkarkime në Digitalb/ Vjollca Hoxha në “luftë” me aksionerët, gati për betejën e madhe me Aleksandër Frangajn

Dosja “Top Channel”/ Skandalet nga aksionet tek gjyqet dhe shantazhet

1 Koment

1 Koment

  1. Dosja

    15 Mars, 2020 at 10:53 pm

    Paska vajtur aty ku u krijua….

Komentoni

Your email address will not be published. Required fields are marked *

Politikë

“Do t’ia dalim dhe kësaj lufte”/ Rama bisedë telefonike me presidenten e KE, mesazhi për qytetarët

Publikuar

-

Nga

Kryeministri Edi Rama bën të ditur se pasditen e sotme do të zhvillojë një bisedë telefonike me presidenten e Komisionit Europian, Ursula Von Der Leyen dhe më pas, në orën 18.30, do të ketë një komunikim publik, ku do të japë mesazhin e tij të drejtëpërdrejtë!

Më tej, Rama falenderon qytetarët për mirëkuptimin që kanë treguar në lidhje me masat kundër koronavirusit.

“Faleminderit të gjithëve për mirëkuptimin fantastik dhe zbatimin mbresëlënës të rregullave të luftës, që me këtë unitet të fortë do ta përballojmë me patjetër!

-Besim se gjithçka po bëjmë është gjëja e duhur, në çdo hap e çdo ditë dhe durim, durim, durim, sepse kjo luftë nuk do të jetë e shkurtër dhe s’është gjëkundi një lojë kukamçefthi, ku po u “fshehëm” një javë i’a hodhëm!

LEXO EDHE:  Arlind Qorri presion gjykatave dhe Prokurorisë për lirimin e “anarkistëve” të tij

LEXO EDHE:  Pazare, korrupsion dhe biznese të fshehura të pushtetarëve/ Pse duhet rishikuar ligji për deklarimin e pasurisë

-Ju siguroj të gjithëve se po punojmë ditë-natë për të mos lënë vetëm asnjë shqiptar dhe për të bërë gjithçka për shëndetin e për ekonominë familjare dhe kombëtare po ashtu!

-Durim, durim, durim! Frikë aspak, kujdes po! Do t’ia dalim edhe kësaj lufte medoemos!”-shkruan Rama.

LEXO TE PLOTE

Politikë

Bashkëshortja e Ben Blushit aksionere në katër biznese/ Etilda Gjonaj hesht për licensën e noteres Eva Blushi

Publikuar

-

Nga

Ministrja e Drejtesise, Etlilda Gjonaj ne deklarate per mediat, pergjigjet per emerimet ne burgje

Ministria e Drejtësisë refuzoi të përgjigjet nëse ka marrë masa për licencën e Eva Blushit, pas dyshimeve për përfshirjen e saj në shkelje ligjore, ndërkohë që ministrja Etilda Gjonaj zgjodhi të shfaqet në një intervistë Top Channel, të drejtuar nga Ben Blushi, bashkëshort i noteres, televizion nga i cili sulmoi Presidentin e Republikës, Ilir Meta.

“Boldnews.al” pyeti rreth dy javë më parë Ministrinë e Drejtësisë nëse kishin verifikuar ligjshmërinë e licencës së noteres Blushi, pasi në media u publikuan të dhëna për përfshirjen e saj në aktivitete private të tjera.

Në përfundim të afatit, sipas parashikimeve të ligjit “Për të Drejtën e informimit”, Ministria e Drejtësisë refuzoi të kthente përgjigje nëse e kishte trajtuar rastin e noteres Eva Blushi dhe nëse kishte marrë masat, sipas përcaktimeve ligjore.

“Boldnews.al” ka ushtruar të drejtën e ankimit pranë Komisionerit për të Drejtën për Informim, duke kërkuar ndërhyrjen e tij për të detyruar Ministrinë e Drejtësisë të zbatojë ligjin “Për të drejtën e informimit”.

Bizneset e noteres Blushi
Ligji “Për Noterinë”, i miratuar në Dhjetor 2018 dhe që ka hyrë në fuqi në Janar 2019, ndalon përfshirjen e noterëve në aktivitete të tjera private, përjashtuar mësimdhënien dhe përfshirjen në jetën akademike.

Të dhëna zyrtare nga Qendra Kombëtare e Regjistrimit (QKR) provojnë se Eva Blushi, krahas aktivitetit si notere, është aksionere edhe në dy kompani të tjera private të regjistruara në Shqipëri.

1. Në Tetor 2018, pak javë para se të hynte në fuqi ligji i ri për “Noterinë”, ku parashikohen ndër të tjera edhe ndalimi për përfshirje në aktivitete private, në QKR regjistrohet kompania “Luxury Comunicazione e Publicitta”, në të cilën Eva Blushi është aksionere me 20 përqind të kapitalit.

Kjo kompani vijon të jetë aktive edhe pas hyrjes në fuqi të ligjit “Për Noterinë”, përfshirë edhe pozitën si aksionere të noteres Blushi, duke e vendosur atë në kushtet e ndalimit ligjor.

2. Në Prill 2019, në kundërshtim me përcaktimet e ligjit “Për Noterinë”, Eva Blushi regjistrohet si ortake me 50% të aksioneve në kompaninë “Publialb”, ku pjesën tjetër e ka Vjollca Blushi, pronarja e Top Channel dhe njëkohësisht punëdhënësja e bashkëshortit të noters, Ben Blushi

Neni 19 i ligjit “Për Noterinë” parashikon specifikisht se ushtrimi i funksionit të noterit nuk pajtohet me asnjë veprimtari tjetër publike dhe private.

Por ky parashikim ligjor duket se nuk e ka stepur noteren Eva Blushi.

LEXO EDHE  Qarkullimi i lartë i cash-it në Shqipëri rrit rrezikun për Covid-19

Krahas dy kompanive të regjistruara në Shqipëri, të dhëna mediatike referojnë se znj. Blushi është aksionere edhe në kompaninë “E.M Capital”, e regjistruar në Sofje Bullgari, në fund të vitit 2019.

LEXO EDHE:  Deklarata që acaroi keq Spiropalin/O Blush, je grerzë që s’ke haber nga bletët!

LEXO EDHE:  Deklarata që acaroi keq Spiropalin/O Blush, je grerzë që s’ke haber nga bletët!

Noterja Blushi është ortake në këtë kompani me biznesmenin shqiptar, Klodian Zoto, i njohur më së shumti për marrjen me koncension të inceneratorëve të Tiranës, Elbasanit e Fierit, nëpërmjet disa procedurave kontraverse.

Kompania ‘E.M Capital” e dyshes Blushi-Zoto ka hyrë në tregun shqiptar në Dhjetor 2019, pasi bleu 51% të aksioneve në kompaninë “Valtelina”, e njohur me emrin tregtar “Lori Caffe”. Pjesa tjetër e aksioneve në këtë kompani vijon të jetë në pronësi të pasardhësve të themeluesit të saj, Dritan Hoxha, e konkretisht vejushës së tij, Vjollca Hoxha së Top Channel dhe fëmijëve të tyre.

Përfshirja e noteres Eva Blushi në të tre këto kompani duket se përbën shkelje të ligjit “Për Noterinë”. Por, deri më tani, Ministria e Drejtësisë, përgjegjëse për verifikimin e kushteve të licensës së noterëve, nuk ka publikuar asnjë masë ndaj znj. Eva Blushi, si edhe nuk ka preferuar t’i kthejë përgjigje kërkesës zyrtare të redaksisë së “Boldneës.al”.

Refuzimi i Ministrisë së Drejtësisë
Në 17 Shkurt 2019, redaksia e “Boldnews.al” i drejtohet Ministrisë së Drejtësisë me një kërkesë për informacion, në të cilën kërkohet nëse ky institucion është vënë në dijeni të përfshirjes së Eva Blushit në aktivitete private dhe nëse kjo situatë përbën ose jo shkelje ligjore, si edhe verifikimet apo masat e mundshme të ndërmarra ndaj noteres.

Ministria e Drejtësisë, në tejkalim të afatit 10-ditor për kthim përgjigje, nuk dha asnjë reagim ndaj interesimit të redaksisë së “Boldnews.al”.

Përkundrazi, në kohën që redaksia priste përgjigje për, më së paku nisjen e verifikimeve nga ana e Ministrisë së Drejtësisë për rastin “Eva Blushi”, titullarja e institucionit, Etilda Gjonaj, shfaqet në televizionin “Top Channel”, me drejtor të përgjithshëm Ben Blushin, për të sulmuar Presidentin Ilir Meta.

Tashmë, redaksia e “Boldnews.al” është në pritje të ndërhyrjes së Komisionerit për Informim, me qëllim nxitjen e Ministrisë së Drejtësisë për të kthyer përgjigje.

Nga ana tjetër, një kërkesë e ngjashme i është drejtuar edhe Dhomës Kombëtare të Noterisë. Por, deri më tani, as kjo strukturë publike nuk ka kthyer asnjë përgjigje për pozitën e noteres Eva Blushi përballë ligjit.

Noterja në skandal/ Zbulohen katër bizneset e bashkëshortes së Ben Blushit

LEXO TE PLOTE

Politikë

Qeveria vijon ashpërsimin e masave kundër koronavirusit/ Rama publikon një tjetër vendim

Publikuar

-

Nga

Qeveria Shqiptare vijon të ashpërsojë masat kundër përhapjes së koronavirusit.

Pas Italise, Kryeministri Edi Rama bën të ditur se në vijim të masave do të ndalohen edhe fluturimet me Britaninë e Madhe.

Mësohet se fluturimet do të ndalohen nga dita e sotme në orën 23:59. Pas këtij orari asnjë avion nuk do të ngrihet më nga aeroporti “Nënë Tereza” drejt Britanisë së Madhe.

LEXO TE PLOTE