LEXO PA REKLAMA!

SHKARKO APP

E fundit!

x

Deputeti gjerman kundër shtyrjes së zgjedhjeve/ Palët politike duhet të dialogojnë

25 Maj 2019, 14:23, Aktualitet CNA
Deputeti gjerman kundër shtyrjes së zgjedhjeve/ Palët politike

Nicolas Lobel deputet i CDU/CSU dhe raportues për Shqipërinë është shprehur kundër shtyrjes së zgjedhjeve vendore në Shqipëri.

Në një intervistë për gazetarin e TCH, Muhamed Veliu, ndërsa u pyet nëse duhet të shtyhen zgjedhjet lokale, Lobel tha se ?Jo. Nuk duhet të ketë asnjë diskutim për kohën kur mbahen apo jo zgjedhjet. Ne si Gjermani kemi një qëllim të vetëm. Ne duam vetëm të ndihmojmë Shqipërinë drejt BE. Për ne ka rëndësi vijimi reformës në drejtësi përfshi reformën zgjedhore. Por mendoj se gjithçka varet nga ajo që thuhet në kushtetutën e vëndit tuaj. Kushtetuta është mekanizmi më i mirë që një demokraci mund të ketë në Gjermani, në Francë në Shqipëri, e kudo. Pra kjo çështje mbetet në atë që thotë kushtetuta.?.

Gjithashtu ai apeloi klasën politike që t?i kthehen rrugëve demokratike parlamentare dhe të marrin pjesë në fushatën elektorale.

?Nëse dëshironi të merrni përgjegjësi për të ardhmen e Shqipërisë duhet të gjejnë një zgjidhje përmes rrugëve demokratike parlamentare dhe të marrin pjesë në fushatën elektorale . Është në dorë të çdo partie siç edhe kolegët e mi e kanë thënë të gjejnë rrugën e negociatave pa asnjë kusht paraprak si nga qeveria dhe opozita.?-tha deputeti gjerman Nicolas Lobel.

Po ashtu ai tha se Gjermania është e gatshme të bëjë ndërmjetësuesin mes palëve politike, gjithmonë nëse kjo do t?i kërkohej nga Shqipëria.

?Nëse Shqipëria do t?i kërkojë Gjermanisë ndihmë si ndërmjetësuese ne do të përfshihemi në këtë, por si miq, si mbështetës dhe asgjë më shumë?.-u shpreh Nicolas Lobel.

Sipas Lobel, bojkoti i zgjedhjeve është i papranueshëm.

?Është me rëndësi t?i drejtohemi të gjitha partive politike të bëhen gati për çeljen e negociatave për anëtarësim në BE dhe të ulen për dialog pa kushte paraprake. Nuk duhet të ketë asnjë kusht nga qeveria apo opozita. Vendi juaj ka një qeveri të zgjedhur e cila ka marrë të gjitha përgjegjësitë. Nga ana tjetër edhe opozita ka përgjegjësitë e saja të sillet sipas rregullave demokratike në Parlament dhe jo në rrugë. Siç edhe kolegët e mi e kanë thënë në deklaratë ne duam të ndihmojmë në të ardhmen europiane. Merr një rëndësi të veçantë tani që të gjithë aktorët të flasin me njëri-tjetrin dhe të marrin pjesë në zgjedhjet lokale, ku partitë duhet të shpalosin idetë e tyre.Kjo është demokracia. Prandaj ne përsërisim se duhet dialog për të mbërritur në një zgjidhje paqësore?.-deklaroi deputeti Nicolas Lobel.

Lajmet e fundit nga