“Ngacmoi seksualisht gazetaren”/ Kërkohet shkarkimi i Gjinushit

25 Maj 2019, 13:16, Aktualitet CNA

“Ngacmoi seksualisht gazetaren”/ Kërkohet shkarkimi i Gjinushit

Ish-deputetja e Partisë Demokratike, Albana Vokshi ka kërkuar menjëherë që të shkarkohet nga detyra kreu i sapo zgjedhur i Akademisë së Shkencave, Skënder Gjinushi.

Në një postim në rrjetet sociale, Vokshi akuzon Gjinushin se ka ngacmuar seksualisht dhe intimidoi gazetaren me përvojë, Enkelejda Mema.

Vokshi e cilëson si të turpshme dhe të papranueshme, deklaratën e Gjinushit, i cili iu drejtua gazetares, duke i thënë ?Je shumë e eksituar, shko e mjekohu?.

?E turpshme, e papranueshme, e dënueshme sjellja intimiduese dhe fyese e ish ministrit të diktaturës Skënder Gjinushi, ndaj gazetares me shumë përvojë.?-shkruan ndër të tjera Vokshi.

Reagimi i Vokshit:

TË SHKARKOHET SKËNDER GJINUSHI PËR AKTIN E TURPSHËM NDAJ GAZETARES MEMA!! Gazetarja Enkelejda Mema, u intimidua, u fye dhe u ngacmua seksualisht nga Skënder Gjinushi, gjatë një transmetimi live, pak minuta pas zgjedhjes Kryetar i Akademisë së Shkencave, me votë të urdhëruar direkt nga Kryeministri Edi Rama. E turpshme, e papranueshme, e dënueshme sjellja intimiduese dhe fyese e ish ministrit të diktaturës Skënder Gjinushi, ndaj gazetares me shumë përvojë Avi Mema Mema.

Në një vend normal, demokratik, Skënder Gjinushi sot, nuk do ishte lejuar të hynte në Akademi. Ministër i diktaturës, me fjalor dhe akte perverse si sistemi diktatorial që i prodhoi, nuk mund e nuk duhet të jetë as anëtar, e jo më të drejtojë Institucionin më të lartë shkencor në Shqipëri.I bëj thirrje të gjithë mediave kombëtare e lokale të denoncojnë aktet e turpshme të fyerjes dhe dhunës verbale e psikologjike ndaj gazetares Mema dhe të gjithë gazetarëve në detyre.

Sjell në vëmendje të organizatave dhe institucioneve ndërkombëtare, OSBE, Delegacionit të Bashkimit Europian, Këshillit të Europës, Amnisty International, Reporterëve pa Kufij që raste të tilla ngacmimi seksual janë të dënueshme e të papranueshme. Sot është dita që organizatat për mbrojtjen e grave nga dhuna dhe shoqatat e gazetarëve të mos heshtin, por të protestojnë në mbrojtje të koleges gazetare e në emër të respektit e dinjitetit të detyrës së gazetarit.

ProtestoPërLiritëThemelore#Gazetarët?Protesto-raporto?/ CNA.al