LEXO PA REKLAMA!

SHKARKO APP

Protesta e Opozitës/ Delegacioni i BE mesazh urgjent

25 Maj 2019, 14:11, Aktualitet CNA
Protesta e Opozitës/ Delegacioni i BE mesazh urgjent

Ndërsa vetëm pak orë na ndajnë nga fillimi i protestës së opozitës, delegacioni i Bashkimit Evropian dhe Ambasadat e Shteteve Anëtare të BE në Shqipëri, i kanë drejtuar një mesazh urgjent klasës politike.

Në një deklaratë për mediat, delegacioni i BE bën thirrje për protesta paqësore.

?Delegacioni i Bashkimit Evropian dhe Ambasadat e Shteteve Anëtare të Bashkimit Evropian në Shqipëri respektojnë plotësisht të drejtën themelore të qytetarëve të Shqipërisë për të demonstruar. Megjithatë, ne përsërisim rëndësinë e ushtrimit të kësaj të drejte në mënyrë paqësore.

Ne dënojmë aktet e dhunës që kanë ndodhur në protestat e mëparshme dhe u bëjmë thirrje udhëheqësve të protestës si dhe autoriteteve shqiptare që të sigurojnë që demonstrata e sotme të zhvillohet në mënyrë të rregullt dhe paqësore. Të gjitha palët e përfshira kanë përgjegjësinë për të garantuar sigurinë e atyre që janë në rrugët e Tiranës sonte. Nuk ka vend për dhunë në një protestë paqësore. Autoritetet e zbatimit të ligjit kanë përgjegjësinë për të vepruar me vetëpërmbajtje, edhe nëse provokohen.?-thuhet në reagim.

Gjithashtu delegacioni i BE-së i ka bërë thirrje palëve politike që të dialogojnë për zgjidhjen e krizës politike, në interes të integrimit të vendit në BE.

?Për të mirën e qytetarëve shqiptarë, shumica e të cilëve dëshiron të shohë që vendi të bëjë përpara me procesin e reformave dhe të ecë drejt anëtarësimit në Bashkimin Evropian, ne i bëjmë thirrje të gjitha palëve të mbështeten në ofertën ekzistuese për dialog me synimin për të gjetur një rrugëdalje nga situata aktuale politike si një çështje urgjente.?-përfundon deklarata./ CNA.al

Lajmet e fundit nga