web counter
LEXO PA REKLAMA!

SHKARKO APP

App Store
Google Play

Rëndësia e kooperimit në ekonomi/ Peleshi kujton “Shoqërinë Aksionere të Elektrikut” në Korçë

24 Shtator 2018, 13:00, Aktualitet CNA

Ministri i Bujqësisë Niko Peleshi, me anë të një postimi në rrjetet sociale, ka sjellë në vëmendje krijimin e ?Shoqërisë Aksionere të Elektrikut në Korçë?, në vitin e largët 1925.

Sipas Peleshit kooperimi është zgjidhja më e mirë për sfidat e ekonomisë shqiptare, ku rastet e suksesit kanë qenë të pakta.

Ndër të tjera ai ka shtuar, se shteti duhet të bëjë më shumë për të nxitur dhe krijuar shoqëritë e bashkëpunimit në bujqësi, të cilat sot janë të përjashtuara nga TVSH-ja.

Postimi i plotë

SHOQERIA AKSIONERE E ELEKTRIKUT

Kooperimi është zgjidhja për shumë sfida të ekonomisë shqiptare dhe jo vetëm. Por në historinë e pothuaj 3 dekadave të ekonomisë së tregut, kemi pak raste suksesi të shoqërive me shumë aksionerë. Edhe më e veshtirë është zgjidhja e këtij ekuacioni në bujqësi, ku fermerët kanë pak tokë dhe kooperativat e krijuara me detyrim në sistemin e kaluar, janë një kujtim i keq.

93 vjet më parë, në vitin 1925, në Korçë u krijua shoqëria aksionere ?Shoqëria Gjenerale e Ilektrikut? me 121 aksionere. Kjo shoqeri ndërtoi hidrocentralin e parë në Shqipëri, në Vithkuq të Korçës dhe me pas edhe shumë vepra të tjera të suksesshme si Fabrika e Miellit, Fabrika e Alkolit etj. HEC Vithkuq është edhe sot në operim.

Kjo histori tregon sa kohe kemi humbur nga sistemi. Por eshte edhe nje apel për të bërë më shumë duke mobilizuar energji qe jo domosdoshmerisht kërkojnë buxhet shteti. Padyshim edhe ne duhet të bëjme më shumë dhe më mirë për të nxitur dhe lehtësuar krijimin e shoqërive të bashkepunimit. SHBB-të në bujqësi sot jane të përjashtuara nga TVSH dhe me tatim fitimi te reduktuar në 5%. Do të bëjmë edhe më shumë në këtë rrugë. /CNA.al





Lajmet e fundit nga