LEXO PA REKLAMA!

SHKARKO APP

Vidhnin naftën e TAP-it/ Arrestohet 25 vjeçari, bashkëpunëtori në kërkim

24 Shtator 2018, 12:05, Aktualitet CNA
Vidhnin naftën e TAP-it/ Arrestohet 25 vjeçari,

Policia e Korçës arrestuar 25 vjeçarin Martin Elezi, banues në fshatin Floq, ndërsa ka shpallur në kërkim 44 vjeçarin me iniciale A.B.

Pas një kontrolli të ushtruar në banesën e Elezit, u gjet 1500 litra karburant, i cili ishte vjedhur nga 44 vjeçari i shpallur në kërkim.

Dyshohet se ky i fundit ka vjedhur në mënyrë të përsëritur sasi të konsiderueshme karburanti nga mjetet e TAP-it dhe ua shiste personave të tjerë.

Materialet proceduriale i kaluan Prokurorisë së Korçës për veprime të mëtejshme.

Komunikata e plotë

Specialistët e Seksionit për Krimin Ekonomik-Financiar, në Drejtorinë Vendore të Policisë Korçë, bënë kapjen dhe arrestimin në flagrancë të shtetasit:

Martin Elezi, 25 vjeç, banues në fshatin Floq-Korçë.

Si edhe u bë shpallja në kërkim dhe po punohet për kapjen e shtetasit A.B, 44 vjeç, banues në Kallm-Fier (me detyrë përgjegjes i furnizimit të mjeteve të gazsjellësit TAP).

Arrestimi i Martin Elezit u bë pasi, gjatë kontrollit të ushtruar në ambjentet e banesës së tij iu gjetën dhe sekuestruan në cilësinë e provës materiale:

1500 litra karburant (naftë) sasi të cilën ky shtetas ia kishte blerë shtetasit A.B, i cili duke shpërdoruar detyrën në mënyrë të përsëritur, dyshohet se ka vjedhur sasi të konsiderueshme karburanti nga mjetet e TAP-it,  duke e shitur më pas këtë sasi tek shtetas të tjerë.

Materialet në ngarkim të tyre i kaluan Prokurorisë të Rrethit Gjyqësor Korçë për veprat penale ?Vjedhja duke shpërdoruar detyrën? dhe ?Përvetësimi i parave ose mallrave që rrjedhin nga vepra penale? parashikuar nga nenet 135 e 287/b të Kodit Penal. /CNA.al

 

Lajmet e fundit nga