LEXO PA REKLAMA!

SHKARKO APP

E fundit!

x

Vettingu në politikë/ Kë duan të “ekzekutojnë” Rama dhe Basha

24 Shtator 2018, 08:00, Aktualitet CNA
Vettingu në politikë/ Kë duan të

Kryetari i PD, Lulzim Basha prej pak kohësh ka prezantuar nismën e opozitës, për Vettingun në politikë. Çuditërisht nismës ju përgjigj pozitivisht edhe kreu i qeverisë, Edi Rama.

Basha kërkon që edhe politika t’i nënshtrohet Vettingut njëlloj si gjykatësit, prokurorët, apo edhe policët e thjeshtë, por me një ndryshim, të mos përfshihet kontrolli i pasurisë. Pra, kryesore është ?Lulit mos ti prekni lekët?.

Por, çfarë po ndodh në drejtësi ndërkohë që ka filluar procesi i Vettingut?

Në kuadër të Vettingut, sistemi i drejtësisë është në kolaps. Gjykata Kushtetuese është pothuajse inekzistente. Gjyqtarë dhe prokurorë kanë ngecur në sitën e Vettingut. Por, ky proces është shoqëruar edhe me dritë-hije dhe skandale. Ka pasur jo pak akuza ndaj KPK, për trajtim ?ca të nënës, e ca të njerkës?. Në disa raste vendimet e KPK janë konsideruar jo të drejta, por megjithatë në fund disa gjyqtarë dhe prokurorë janë ?ekzekutuar? nga ky proces.

Por, natyrshëm lind pyetja, po në politikë kë duan të “ekzekutojnë” Rama dhe Basha?

Kryetari i PD, Lulzim Basha në jo pak raste e ka treguar që vijon marrëveshjet me Ramën dhe nuk do të ishte çudi nëse edhe Vettingu në politikë do të ishte një tjetër marrëveshje mes tyre, me qëllim eleminimin e kundërshtarëve politikë.

Në këtë mënyrë përmbushen edhe kushtet e marrëveshjes mes tyre, Rama mban Lulin në krye të PD-së, dhe Luli mban Ramën në pushtet./CNA.al

Lajmet e fundit nga