LEXO PA REKLAMA!

SHKARKO APP

Foto-Rrëshqitjet në rrugën Tiranë-Elbasan/ Fillon ndërhyrja

24 Shtator 2018, 11:33, Aktualitet CNA

Ka nisur puna ditën e sotme për eleminimin e rrëshqitjes së ndodhur në segmentin që lidh tunelin e Kërrabës me Elbasanin.
Ndërhyrja është bërë nga Firma 2T e cila pritet që në kohë rekord të kthejë autostradën në parametra normale.
Ka qënë drejtori i Autoritetit Rrugor Shqiptar Afrim Qendro i cili ka inspektuar punimet për nga afër dhe është shprehur se me rëndësi është që gjatë periudhës së ndërhyrjes, të garantohet dhe siguria e kalimit të qytetarëve.


?Një rëndësi të veçantë ka siguria e kalueshmërisë në këtë segment. Kemi marrë të gjitha masat me kompaninë që kalueshmëria të jetë e sigurtë. Siç e shikoni dhe ju po merren dhe masa shtesë.
Do të ketë një bashkëpunim të ngushtë mes Autoritetit Rrugor, Policisë Rrugore dhe Drejtorisë së Policisë së Elbasanit. Është një projekt me gjysëm tunel siç e kemi deklaruar dhe më përpara.
Një projekt që I jep zgjidhje kësaj rrëshqitjeje duke stabilizuar dhe siguruar gjithë këtë skarpatë e cila ka hapur problem për një kohë shumë të gjatë?, theksoi Qendro./CNA.al

Lajmet e fundit nga