web counter
LEXO PA REKLAMA!

SHKARKO APP

App Store
Google Play

Skandali me tokat bujqësore/ Reagon Panariti

24 Shtator 2018, 11:47, Aktualitet CNA

Kreu i Grupit Parlamentar të Partisë Socialiste, Taulant Balla, akuzoi ish-Ministrin e Bujqësisë Edmond Panariti, se ka firmosur kontrata për ti dhënë me qera tokë shtetërore Klement Balilit.

Menjëherë ka ardhur reagimi i Panaritit, i cili është shprehur, se këto janë mashtrime.

Ndër të tjera ish-ministri ka shtuar, se mund të vërtetohet lehtësisht se as Ministria e Bujqësisë dhe as vetë ai nuk kanë lidhur kontrata me trafikantin Balili.

Më tej Panariti ka akuzuar qeverinë, për përkeqësimin e situatës së bujqësisë, ku eksportet ranë me 5.5% për 4 vite më radhë, shifra këto të publikuara nga INSTAT.

“Nuk ka kontratë të lidhur as nga Ministria e Bujqësisë dhe as nga Edmond Panariti, me trafikantin Kelmend Balili? zoti Taulant Balla!! Ky është një mashtrim?lehtësisht i verifikueshëm dhe i hetueshëm?Keni një vit që vetëm hetoni dhe auditoni procese dhe procedura për të cilat janë shprehur që nga KLSH e me radhë.Vazhdoni!! Por, se kush shoqërohet me trafikantë, dhe madje e deklaron hapur këtë, publiku e ka tashmë të qartë. Por kjo nuk ju ndihmon në fshehjen e dështimit spektakolar të Bujqësise, në vitin tuaj te tepsisë!! Për herë të parë në vitin 2018, pas nëntë vitesh, eksportet bujqësore ranë me ? 5,5% pas një rritje dy shifrore për katër vite me radhë. Ndërsa importet bujqësore në vitin e tepsisë u rritën me 11%. Këtë nuk e them unë, por Instati juaj. Ndërsa ju shpalosni sot në Kuvendin e gënjeshtrave rritje imagjinare me 70% të bujqësisë aritmetika është më e fortë se propaganda dhe ajo ju nxjerr me MINUS dhe madje me gërma kapitale?, ka reaguar Panariti. /CNA.al





Lajmet e fundit nga