LEXO PA REKLAMA!

SHKARKO APP

Ndahet nga jeta Adem Demaçi/ Ngjela mesazh ngushëllimi

26 Korrik 2018, 18:28, Aktualitet CNA
Ndahet nga jeta Adem Demaçi/ Ngjela mesazh ngushëllimi

Pas ndarjes nga jeta të veprimtarit të shquar kosovar Adem Demaçi, ngushëllimet familjarëve ua ka shprehur dhe avokati Spartak Ngjela.

Në një postim në rrjetet sociale, Ngjela shkruan se Demaçi ishte një hero, i cili e pa të realizuar ëndërrën e tij për lirinë e atdheut.

Postimi i plotë:

Sot u nda nga jeta dhe një hero, Adem Demaçi. Sa pak kemi mbetur! Po mendoj se jemi ende të mjaftë për të garantuar jetën tonë Kombëtare.
Heroika nuk është poetikë, por është edhe poetikë, se më parë ajo është jetë e cilësisë së lartë.
Gjithsesi heroi Demaçi e pa të realizuar ëndërrën, vullnetin dhe motivin e tij: lirinë e atdheut të vet. Ai ishte dhe do të jetë një çlirimtar dhe libertar i popullit të vet, i të gjithë shqiptarëve.
Ngushëllime familjarëve dhe të gjithë bashkëluftëtarëve të tij kosovarë që e mbajtën si simbolikë të heroikës kombëtare për dekada të tëra Adem Demaçin, i cili tani është, pa dyshim, një vlerë e madhe gjithëkombëtare. /CNA.al

Lajmet e fundit nga