LEXO PA REKLAMA!

SHKARKO APP

E fundit!

x

"Kombi në zi"/ Basha mesazh ngushëllimi për Demaçin

26 Korrik 2018, 17:46, Aktualitet CNA
"Kombi në zi"/ Basha mesazh ngushëllimi për

Kreu i opozitës, Lulzim Basha ka shprehur ngushëllimet për ndarjen nga jeta të veprimtarit të shquar kosovar Adem Demaçi.

Në një postim në rrjetet sociale, Basha u shpreh se i gjithë kombi mban zi sepse humbi një ndër njerëzit që me sakrificën, fisnikërinë dhe mendimin e tyre përbëjnë shtylla që mbajnë peshën e krenarisë kombëtare.

Më tej kreu i PD ka shkruar se Demaçi do të mbetet përherë në kujtesën e shqiptarëve.

Postimi i plotë

Me hidhërim mësova lajmin e ndarjes nga jeta të Adem Demaçit, Mandelës së Kosovës.
Sot gjithë kombi mban zi sepse humbi një ndër njerëzit që me sakrificën, fisnikërinë dhe mendimin e tyre përbëjnë shtylla që mbajnë peshën e krenarisë kombëtare.

Në emrin tim dhe të Partisë Demokratike u shpreh ngushëllimet më të ndjera familjes Demaçi, miqve dhe bashkëpunëtorëve të tij dhe gjithë popullit të Kosovës, për këtë humbje të madhe.
Adem Demaçi si një ndër simbolet e qëndresës kombëtare, mbetet përherë në kujtesën e kombit që përkulet me mirënjohje të thellë para sakrificës dhe kontributit të tij të pavdekshëm për Kosovën. /CNA.al

Lajmet e fundit nga