Gjyqi ndaj atentatorit të fisit Çapja/ Policia rrethon Gjykatën

31 Janar 2018, 16:20, Aktualitet CNA

Në Gjykatën e Elbasanit është zhvilluar seanca e parë gjyqësore në ngarkim të Shkëlzen Hasanpapës i akuzuar se në Qershor të 2016-s tentoi të vriste Florenc Çapjan dhe mikun e tij Bledar Muça.

Seanca gjyqësore është zhvilluar në kushte të larta sigurie, ndërsa mësohet se të pranishëm kanë qenë edhe pjesëtarë të fisit Çapja.

Kujtojmë këtu se Shkëlzen Hasanpapa në qershor të 2016 qëlloi me breshëri automatiku në drejtim të makinës të Florenc Çapjas dhe Bledar Muçës, por pa mundur ti vrasë për shkak se makina ishte e blinduar.

Gjithashtu nga kjo ngjarje mbeti e plagosur një oficere policie dhe Hasanpapa, u identifikua si autor i dyshuar i ngjarjes pas krahasimit të ADN-s, që iu mor prindërve të tij.

Ai u arrestua në Holandë dhe më vonë u ekstradua drejt Shqipërisë. Pas disa muajsh hetimesh, prokurorët e kanë përcjellë çështjen në Gjykatë. /CNA.al

Lajmet e fundit nga