LEXO PA REKLAMA!

SHKARKO APP

E fundit!

x

“Lufta me vezë” në Pakistan

1 Korrik 2015, 10:15, Kuriozitete CNA

Të rinjtë në Peshaawar të Pakistanit i janë kthyer një loje të vjetër, sa për t?u marrë me diçka gjatë netëve të Ramazanit, ata kanë filluar luftërat me vezë. Në lojë përfshihet përdorimi i një veze të zier dhe të ngjyrosur, për ta thyer vezën e kundërshtarit, dhe kjo lojë është luajtur për gjenerata në Pakistan. Qyteti i Peshawarit është duke u bërë gjithnjë e më i mbipopulluar, duke i penguar fëmijët dhe të rinjtë që të luajnë lojëra që kanë nevojë për hapësira më të mëdha. ?Ku të luajmë? Të gjitha hapësirat që i kishim na i kanë marrë, transmeton Koha.net. Ato po shndërrohen në ndërtesa dhe vende ku hidhen mbeturinat dhe nuk ka më vend për të luajtur,? thotë Mohammad Uzair, një adoleshent nga Peshawari. Kjo lojë është popullarizuar gjatë muajit të shenjtë të Ramazanit, kur myslimanët qëndrojnë zgjuar deri në orët e para të mëngjesit për të ngrënë syfyrin. ?Ne duhet të qëndrojmë zgjuar deri në syfyr, por pasi që nuk ka sheshe për lojëra, ne e luajmë këtë lojë. Edhe gjyshërit tanë e kanë luajtur këtë lojë po ashtu. Dhe në këtë mënyrë ne e kalojmë kohën të lumtur deri në syfyr,? shprehet Mohammad Kashif. I riu Asad Ali e krahason entuziazmin e njerëzve për lojën me vezë, me atë të sporteve të tjera. ?Thyerja e vezëve për neve është si kriketi apo futbolli për njerëzit tjerë. Unë vij këtu për ta luajtur këtë lojë, pra për të thyer vezë, sepse ne duam të bëjmë diçka më ndryshe. Ky është hobi ynë,? thotë Ali. Rregullat e lojës janë të thjeshta. Garuesi duhet që me vezën e tij ta thyejë vezën e kundërshtarit, por pa e thyer vezën e vet. Pronari i vezës fituese kalon në rundin tjetër, deri sa të mbetet vetëm një vezë e pathyer. ?Ne mund të luajmë me gjashtë vezë, ose me 12, ose edhe më shumë. Strategjia është që personi që fiton i merr vetë, përderisa humbësi duhet të paguajë për to,? shpjegon Haseeb Ullah. Megjithëse kjo lojë është hobi për shumicën e të rinjve në Peshawar, për njerëzit si tregtari Amaullah Khan, ky është edhe biznes. ?Unë i ziej vezët në ujë. Pastaj në këtë kohë i sjell këtu. Këta fëmijë kanë shumë dëshirë të luajnë me to, të luftojnë me to. Ndërkohë, unë edhe i fitoj disa rupi nga këto vezë,? thotë Khan. Lufta me vezë është luajtur me shekuj anembanë botës dhe gjithashtu është praktikuar edhe në Evropë, gjatë mesjetës. Një garë e quajtur kampionati botëror i thyerjes së vezëve zhvillohet për çdo Pashkë në veri të Anglisë.

11:45 Kuriozitete

Kristalet gjigante

Gjatë kërkimeve të mineraleve të plumbit dhe argjendit rreth...

11:15 Kuriozitete

Mësuesi hero

40 vjeçari Abdul Mallik është një hero i vërtetë! Ai udhëton...

Lajmet e fundit nga