LEXO PA REKLAMA!

SHKARKO APP

Borxhet ‘gjunjëzojnë’ kompaninë e njohur/ Gjiganti i kozmetikës, në prag falimenti

18 Qershor 2022, 21:34, Trending CNA
Borxhet ‘gjunjëzojnë’ kompaninë e njohur/ Gjiganti i
Produkte të kompanisë "Revlon"

Pavarësisht se fundi i pandemisë supozohej të sillte një tjetër frymë dhe një bum shitjesh në industrinë e kozmetikës, për kompaninë e njohur "Revlon" ka ndodhur e kundërta.

"Revlon" është ‘shembur’ nën peshën e borxheve. Këtë javë, "Revlon" bëri një kërkesë për mbrojtjen e falimentimit në SHBA.

Mediat ndërkombëtare raportojnë se ky është një proces ligjor që i mundëson kompanisë të vazhdojë tregtimin, ndërkohë që shikon për mënyra se si të shlyejë borxhet e saj të konsiderueshme. 

Kompania me bazë në Nju Jork tha se me miratimin e gjykatës, ajo pret të marrë 575 milionë dollarë (469 milion £) në financim nga huadhënësit e saj ekzistues, gjë që do ta lejojë atë të mbajë funksionimin e përditshëm.

Kanë qenë ngarkesat e borxhit, ndërprerjet në rrjetin e saj të zinxhirit të furnizimit dhe kostot në rritje ato që kanë ‘gjunjëzuar’ ikonën e bukurisë 90-vjeçare, e cila shpiku buzëkuqin dhe manikyrin e thonjve që kombinoheshin dhe vendosi ritmin në sallat e bukurisë gjatë pjesës më të madhe të shekullit të 20-të.

Gjatë ditëve të saj të lulëzimit, "Revlon" ishte i dyti pas "Avon" në shitje, por në shenjë të pasurisë së saj të dobësuar, kompania tani ka rënë jashtë 20-shes së parë.

Sipas një sondazhi të fundit të industrisë, ka rezultuar se "Revlon" ka pasur rënie në pamundësi për të vazhduar me konkurrencën në internet dhe markat e udhëhequra nga të famshëm si "Kylie Cosmetics" e Kylie Jenner apo "Fenty Beauty" e Rihanna-s./ B.A. – CNA.al

Lajmet e fundit nga