web counter
LEXO PA REKLAMA!

SHKARKO APP

App Store
Google Play

E fundit!

x

Netflix sjell në jetë “Squid Game”/ Njofton realizimin e lojës me çmim real prej 4.56 milionë dollarësh

15 Qershor 2022, 23:02, Trending CNA
Netflix sjell në jetë “Squid Game”/ Njofton realizimin e
Banderola e njoftimit të lojës "Squid Game"

Netflix po sjell në jetë “Squid Game”, pas serialit të bujshëm që vinte disa garues përballë sfidave vdekjeprurëse në këmbim të miliarda dollarëve.

Netflix ka njoftuar se do të zhvillohet konkursi më i madh i realizuar ndonjëherë “Squid Game: The Challenge”. 456 lojtarë të vërtetë do të hyjnë në lojë në ndjekje të një shpërblimi prej 4.56 milionë dollarësh.

Ata do të konkurrojnë përmes një serie lojërash të frymëzuara nga seriali, plus lojëra të reja befasuese, strategjitë, aleancat dhe karakteri i 456 personave do të vihet në provë, ndërsa konkurrentët eliminohen një nga një.

Rekrutimi është i hapur tani në "SquidGameCasting.com". Për këtë konkurs, Front Man është në kërkim të folësve të gjuhës angleze nga çdo cep i botës. 

“Loja e kallamarit e pushtoi botën me historinë magjepsëse dhe imazhet ikonike të regjisorit Hwang. Ne jemi mirënjohës për mbështetjen e tij ndërsa e kthejmë botën imagjinare në realitet në këtë konkurs masiv dhe eksperiment social.

Adhuruesit e serialit dramatik janë në një udhëtim magjepsës dhe të paparashikueshëm, ndërsa 456 konkurrentët tanë të botës reale lundrojnë në seritë më të mëdha të konkurrencës, plot tensione dhe kthesa, me çmimin më të madh të parave në fund", tha Brandon Riegg, zëvendëspresident i Netflix i Serive Unscripted dhe Documentary.

Seriali konkurrues me 10 episode është një bashkëprodhim midis Studio Lambert (The Circle) dhe The Garden (24 Hours in A&E), pjesë e ITV Studios dhe do të filmohet në Mbretërinë e Bashkuar. Stephen Lambert, Tim Harcourt dhe Toni Ireland nga Studio Lambert dhe John Hay, Nicola Hill dhe Nicola Brown nga The Garden do të shërbejnë si producentë ekzekutivë.

Drama me skenar “Squid Game” mban rekordin si seriali më i njohur i Netflix i të gjitha kohërave, me mbi 1.65 miliardë orë shikime në 28 ditët e para pas premierës së tij në shtator të 2021-shit. 

Më 12 qershor 2022, "Squid Game" u rinovua zyrtarisht për sezonin e 2-të, pasi Netflix dhe drejtori Hwang konfirmuan se do të bashkohen përsëri për një raund krejt të ri./ B.A. – CNA.al





Lajmet e fundit nga