LEXO PA REKLAMA!

SHKARKO APP

Filloi si argëtim gjatë periudhës së karantinës/ Si u bë “TikTok” një burim të ardhurash për njerëzit

22 Shtator 2022, 15:53, Tech CNA
Filloi si argëtim gjatë periudhës së karantinës/ Si u
Foto ilustruese

“TikTok” është kthyer në një nga mediat sociale më të përdorura nga njerëzit.

Në 2021 rrëzoi nga froni Google, pas shumë vitesh të mbizotërimit të kompanisë amerikane. “TikTok” u lançua ndërkombëtarisht në vitin 2018. Një nga arsyet kryesore të rritjes së popullaritetit të aplikacionit të videove ishte pandemia e Covid-19 dhe nevoja e njerëzve për argëtim gjatë ditëve të karantinës.

“TikTok” është shndërruar në një burim shumë të mirë të ardhurash. Personazhe të ndryshme të shoëbzzit shqiptar prej kohësh janë shumë aktivë në këtë rrjet, ku përveç reklamave të ndryshme, mund të përfitojnë edhe thjesht përmes postimit të videove apo realizimit të Live-ve.

Përveç të famshmëve, një numër i madh njerëzish të thjeshtë kanë fituar shuma të mëdha parash përmes “TikTok”. Ato që në “TikTok” njihen si “gifts”, përkthehet në shuma të mëdha parash.

Vlera e dhuratave në këtë rrjet social, varion nga 0 e deri në 500 dollarë, teksa dhurata më e shtrenjtë është “TikTok Universe”. Cilado të jetë shuma që njerëzit arrijnë të kapin, 50 për qind të saj e fiton vetë “TikTok”./ CNA.al

Lajmet e fundit nga