web counter
LEXO PA REKLAMA!

SHKARKO APP

App Store
Google Play

E fundit!

x

Gjermania fiton ndaj Bregut të Fildishtë

20 Qershor 2026, 21:57, Sport CNA

Gjermania fiton ndaj Bregut të Fildishtë

Kombëtarja e Gjermanisë dhe ajo e Bregut të Fildishtë përballen në një sfidë interesante në kuadër të xhiros së dytë të fazës së grupeve në Kupën e Botës.

Të dyja skuadrat vijnë në këtë takim me moralin në maksimum pas sukseseve në ndeshjet hapëse. "Pancerat" e drejtuar nga Julian Nagelsmann regjistruan fitoren e tyre të dhjetë radhazi në ndeshjet ndërkombëtare, pas një triumfi shkatërrues 7-1 ndaj debutuesve të Kurasaos.

Nga ana tjetër, Bregu i Fildishtë konfirmoi formën e mirë duke mposhtur Ekuadorin me rezultatin minimal 1-0, duke arritur kështu suksesin e katërt radhazi.

Ky duel pritet të vendosë fatet e kryesimit të grupit dhe të sigurojë biletën e kualifikimit të parakohshëm.

GJERMANI-BREGU I FILDISHTË 2-1

KOMENTI LIVE

Mbyllet ndeshja.

90+4’- GOOOOOL GJERMANIA 2-1! Përmbysen shifrat për pancerat. Undav bën heroin me dopietën personale dhe i jep avantazhin Gjermanisë.

89’- Fofana shpëton Bregun e Fildishtë nga goli i dytë me një pritje spektakolare ndaj Brown.

88’- Adingra shpërdoron një mundësi të artë shënimi për Bregun e Fildishtë, duke mos kontrolluar si duhet një top në zonë.

68’- GOOOOL GJERMANIA 1-1! Undav shfrytëzon në maksimum një krosim nga Amiri dhe shënon, për të barazuar shifrat.

63’- Dalje e gabuar e portierit Fofana pas goditjes së këndit. Havertz nuk përfiton si duhet dhe gjuan jashtë me kokë.  

54’- Tjetër rast i shpërdoruar nga Kessie. Në momentin e fundit largon rrezikun Nmecha.

49’- Rrezikon Bregu i Fildishtë. Diallo pason për Kessie në zonë, i cili në momentin e fundit rrëzohet dhe nuk gjuan si duhet.  

Mbyllet pjesa e parë.

45+7’- Wirtz shpërdoron një rast shumë të mirë në zonë. Gjuajtja shkon në duart e portierit.

Akordohen 7 minuta shtesë.

38’- Gjermania barazon shifrat me Havertz, por edhe këtë herë, goli anulohet për faull ndaj Kossounou.

29’- GOOOOL BREGU I FILDISHTË 1-0! Një shpërthim i Diomande nga e majta, i cili pason në mbrojtje. Brown ndal tentativën e parë, por në vazhdim, përfiton Kessie i cili shënon dhe zhbllokon takimin.

22’- Pavlovic shënon me kokë pas një goditje këndi, por goli anulohet për faull ndaj portierit.

Gjermania fiton ndaj Bregut të Fildishtë

18’- Musiala krijon iluzione goli. Fantazisti gjuan fortë nga jashtë zone, por topi shkon ngjitur me shtyllën.

10’- Pranë golit Gjermania. Kimmich kroson nga e djathta, ndërsa Havertz gjuan bukur me kokë. Megjithatë një ndërhyrje e saktë nga portieri shmang golin.

3’- Shpërthen Diomande në të majtë, pason në zonë por nuk shfrytëzohet si duhet.

2’- Gjermania hidhet menjëherë në sulm, në kërkim të golit të avantazhit.

Starton ndeshja.





Lajmet e fundit nga