E fundit!

11:13 Kronika

Kapen 798 steka cigare kontrabandë në Portin e Durrësit/ Një person në pranga dhe një i proceduar

Dy raste të tentativës për të futur kontrabandë qindra ste...

Holandë-Suedi, fitore e thellë nga "tulipanët"

20 Qershor 2026, 18:57, Sport CNA

Kombëtarja e Holandës ka arritur një fitore mbresëlënëse me rezultatin e thellë 5-1 ndaj Suedisë, në ndeshjen e vlefshme për xhiron e dytë të Grupit F në Kupën e Botës.

Skuadra e drejtuar nga Ronald Koeman shfaqi një dominim absolut që nga minutat e para, duke zhbllokuar sfidën me sulmuesin Brian Brobbey që në minutën e 5-të, i cili shënoi edhe golin e dytë personal në minutën e 17-të.

Në pjesën e dytë, holandezët vazhduan sulmet e tyre dhe realizuan dy gola të tjerë të shpejtë me anë të Cody Gakpo-s. Suedia u përpoq të reagonte dhe gjeti golin e nderit me Anthony Elanga-n, por shpresat e tyre u shuan përfundimisht në fund të takimit, kur Crysencio Summerville vulosi rezultatin me një goditje të bukur nga distanca.

Falë këtij triumfi, Holanda merr kryesimin e grupit me katër pikë, duke parakaluar skandinavët.

HOLANDË-SUEDI 5-1

KOMENTI LIVE

Mbyllet ndeshja.

89’- GOOOOL HOLANDA 5-1! Summerville shënon të pestin, me një gjuajtje nga jashtë zone. Aksion model i holandezëve, që finalizohet me gol.

77’- Provon Suedia të gjejë golin e dytë, por Gyokeres nuk kontrollon si duhet një top në zonë.

59’- GOOOL SUEDIA 4-1! Zgjohen suedezët, të cilët ngushtojnë shifrat me Elangan. Sulmuesi shfrytëzoi një asist perfekt të marrë nga Isak.

53’- GOOOOL HOLANDA 4-0! Shënon edhe Cody Gakpo. Sulmuesi bën gjithçka mirë në zonë dhe më një gjuajtje të fortë, e ndal topin në rrjetë.

48’- GOOOOOL HOLANDA 3-0! Dumfries shënon të tretin për “tulipanët”. Dyshime për pozicion jashtë loje, por konfirmohet nga VAR.

45'- Starton pjesa e dytë.

Mbyllet pjesa e parë.

45’-5’- Mundësi e artë për Suedinë. Verbruggen bën një pritje të shkëlqyer dhe mban portën e paprekur.

Akordohen 3 minuta shtesë.

45’- Shënon Suedia me Lagerbielke, i cili dërgon topin në rrjetë me kokë. Megjithatë goli anulohet për pozicion jashtë loje.

38’- Gakpo lëshon një gjuajtje të fortë nga jashtë zone, por është qendrore për portierin e Suedisë.

37’- Vjen goditja e parë në portë nga Suedia. Gyokeres futet në zonë dhe lëshon një gjuajtje të bukur, por Verbruggen reagon mirë dhe shmang golin.

16’- GOOOOOL HOLANDA 2-0! Brobbey nuk ndalet dhe shënon të dytin, pas një asisti të marrë nga Dumfries.

11’- Tjetër mundësi e mirë për Holandën. Dumfries shikon Gakpo në krahun tjetër dhe kroson, por topi largohet në momentin e fundit nga mbrojtja suedeze.

5’- GOOOOOL HOLANDA 1-0! Aksion model i “tulipanëve” në të majtë, ku Gakpo merr një top nga Reijnders dhe pason në zonë, aty ku Brobbey nuk e ka të vështirë për të shënuar.