web counter
LEXO PA REKLAMA!

SHKARKO APP

E fundit!

x

Balogun edhe "djall", edhe "engjëll"/ SHBA mposht me 10 lojtarë Bosnjën, në 1/8-at e Botërorit i pret Belgjika

2 Korrik 2026, 09:40, Sport CNA

 

Balogun edhe "djall", edhe "engjëll"/ SHBA mposht me 10

Shtetet e Bashkuara të Amerikës ia dolën të kalonin pengesën Bosnjë-Hercegovinë dhe të kualifikoheshin drejt 1/8-ve të Kupës së Botës. Një sukses i madh dhe deciziv mund të konsiderohet triumfi i amerikanëve duke pasur parasysh që skuadra për një pjesë të madhe të lojës ishte në inferioriret numerik në fushë. Hera e fundit që SHBA fitonte një ndeshje me eliminim direkt në Botëror ishte në vitin 2002 kundër Meksikës.

Dueli në Santa Clara të California-s u zhbllokua në fundin e fraksionit të parë të lojës. Folarin Balogun të cilit më herët i ishte anuluar një gol për pozicion jashtë loje, nuk u dorëzua dhe në minutën e fundit të pjesës së parë i dha epërsinë 1-0 SHBA-së. Ndërkohë, në minutën e 64-t, sërish Balogun do të bëhej protagonist, por këtë herë për keq.

24-vjeçari i Monaco-s la ekipin e tij me 10 lojtarë në fushë pasi u ndëshkua me karton të kuq pas një faulli të rëndë të shkaktuar. Por edhe pse në inferioritet numerik, djemtë e Pochettino-s u treguan më kërkues dhe gjetën golin e dytë në minutën e 82-të.

Malik Tillman ekzekutoi në mënyrë perfekte një goditje dënimi nga pranë vijës së 16 metrave duke e ndalur topin në fundin e rrjetës. Me këtë triumf 2-0, Shtetet e Bashkuara të Amerikës kualifikohen në raundin tjetër, aty ku i pret Belgjika.





Lajmet e fundit nga