E fundit!

21:26 Aktualitet

“Në protesta ka socialistë të mërzitur me pushtetin”/ Hoxha: Largimi i Ramës duhet të jetë kërkesë kryesore

Gazetari Artan Hoxha ka folur mbrëmjen e sotme lidhur me p...

Përrallat e qeverisë përballë realitetit të qytetarëve në protestë

2 Korrik 2026, 20:22, Opinione CNA

Ndërsa Kryeministri Edi Rama ka intensifikuar këtë të enjte fushatën e tij mediatike, duke u fokusuar te zhvillimi i start up-eve dhe duke shpalosur premtime të reja për pensionistët në lidhje me rritjen e pensioneve dhe buxhetin, ju tregon përralla moshës së tretë, realiteti në terren paraqitet krejt ndryshe.

Në një kohë kur kreu i qeverisë tenton të fokusojë debatin publik te shifrat dhe sukseset e pretenduara, pjesa më e pakënaqur e shoqërisë vijon prej një muaji protestën e saj për të denoncuar situatën në të cilën ndodhet vendi.

Në protestë në fakt nuk kanë dalë pensionistët, se pensionistët dihen që janë armata e pushtetit, e Partisë Socialiste dhe shumë mund të jenë votues të Partisë Socialiste, megjithëse mund të jenë më të pakënaqurit dhe më fatkeqët nga keqmenaxhimi i qeverisë.

Në protestë kanë dalë qytetarët e pakënaqur, të rinjtë, familjarët, shtresa e mesme. Pra njerëz që kanë probleme me qeverisjen e vendit, me korrupsionin, me skandalet, me aferat.

Nuk kanë dalë shokët e Erion Veliajt në protestë, as të koncesioneve të sterilizimit, as të inceneratorëve, as të dosjes 5D. Kanë dalë të protestojnë qytetarë, të cilët kërkojnë që llogaridhënie nga qeveria dhe që Kryeministri të japë dorëheqjen.

Protestuesit kanë listuar një bilanc të rëndë të qeverisjes së Edi Ramës, ku spikasin emigrimi masiv i shqiptarëve, rritja e papërballueshme e çmimeve të shportës në raport me pagat e ulëta, si dhe gjendja alarmante e sistemit shëndetësor dhe arsimor.

Kritikat janë përqendruar gjithashtu te ekonomia e dobët, e shoqëruar nga një valë e pafundme tenderash korruptivë, si dhe te fenomeni i kullave dhe ndërtimeve të panumërta që sipas protestuesve po shërbejnë si mekanizma për pastrimin e parave të pista, duke dëmtuar urbanistikën dhe ekonominë e vendit.

Në vend që të dalë e të flasë për start up-et dhe t’u japë lëmoshë pensionistëve, Edi Rama duhet më së pari t’u japë përgjigje qytetarëve për të gjitha problemet, zgjidhjen e të cilave ata e kërkojnë nga kreu i qeverisë. /CNA