LEXO PA REKLAMA!

SHKARKO APP

Të këputet shpirti nga skamja/ Babai përcjell vajzën nuse nga çadra në Bubq: E nxorëm si të vdekur

28 Shtator 2022, 13:47, Sociale CNA

Të këputet shpirti nga skamja/ Babai përcjell vajzën nuse

Tërmeti i 2019 mbase është harruar për të gjithë ata që nuk u prekën këtu e tri vite më parë, por ajo fatkeqësi rëndon ende sot mbi shpatullat e shumë familjeve shqiptare. 

Kanë kaluar tashmë 34 muaj dhe skamja është ulur këmbëkryq në familjen Jaku në Bubq. Kjo histori u paraqit nga "ABC News", dhe natyrisht nuk është rasti i vetëm, por ky rast evident tregoi se si një familje me 7 frymë flenë e zgjohen në një çadër 2 me 2. 

E nga kjo çadër doli nuse edhe pak ditë më parë vajza e madhe shtëpisë, e cila doli nuse. Lotët e babait ishin të rëndë, pasi nuk pati mundësi t'a përcillte vajzën e tij ashtu siç duhej, e nëna zemërthyer qëndroi në "derën" e çadrës aty pranë rrënojave të shtëpisë që nuk iu shemb për fat mbi kokë. 

Tërmeti që ra në nëntor të 2019-s iu shembi shtëpinë, por iu fali jetën, por më tej i priti çadra, pasi bonusi i qerasë nuk ishte i mjaftueshëm për t'u ushqyer, kur ishin larg tokës dhe bagëtive. Dhe kjo gjendje e bëri ditën e dasmës së vajzës një ditë vaji e jo një ditë të gëzuar siç duhej të ishte. 

Nëna e kësaj familjeje ishte shprehur mes lotësh se gjak do të shesë, veç të shohë pak lumturi te fëmijët e saj. Por me sa duket fati i Martinit dhe Lules së vogël do të jetë larg Shqipërisë. Ata do t’i rikthehen emigrimit pas 30 vitesh sepse s’duan që djalin dhe vajzën ta martojnë në të njëjtat kushte, se nuk mund ta lënë vajzën pa shkollë. Por një gjë është e sigurt, ata kurrë nuk do të dorëzohen!/CNA.al

Lajmet e fundit nga