LEXO PA REKLAMA!

SHKARKO APP

Reshjet e dendura të shiut/ Probleme në disa qytete

27 Shtator 2022, 08:58, Sociale CNA

Reshjet e dendura të shiut/ Probleme në disa qytete

Reshjet e shiut që kanë përfshirë vendin, kanë shkaktuar probleme dhe përmbytje në disa zona të Shqipërisë.

Në Pukë raportohet se ka dëme në disa akse rurale të infrastrukturës rrugore, ndërsa në disa fshatra janë dëmtuar ura, linja ujësjellësi dhe mullinj bloje.

Ndërsa në Dibër, ka pasur rrëshqitje gurësh në segmentin e rrugës së Arbrit, Bulqizë-Peshkopi.

Edhe në aksin Rrëshen-Bukmirë ka pasur rrëshqitje si pasojë e vërshimit të ujërave, ku inertet e kanë bërë të pakalueshme lëvizjen e automjeteve të vogla.

Kjo situatë e ka bërë të vështirë lëvizjen e banorëve të fshatrave të njësisë administrative Kaçinar në Mirditë.

Në Shëngjin janë regjistruar përmbytje në rrugë, duke vështirësuar qarkullimin e mjeteve dhe këmbësorevë. Po ashtu janë dëmtuar edhe linjat elektrike e për pasojë kanë mbetur pa energji elektrike fshatrat e Zadrimës.

Autoritetet po punojnë për të vënë nën kontroll situatën pas reshjeve të dendura të shiut./ B.A. – CNA.al

Lajmet e fundit nga