web counter
LEXO PA REKLAMA!

SHKARKO APP

App Store
Google Play

E fundit!

x

Mëngjesi i ftohtë, temperaturat rriten në mesditë/ Parashikimi i motit për sot dhe nesër

21 Shtator 2022, 08:09, Sociale CNA

Mëngjesi i ftohtë, temperaturat rriten në mesditë/

Mbetemi nën mbizotërimin e kushteve të qëndrueshme atmosferike për gjatë gjithë ditës në Shqipëri, ku orët me diell do të jenë të shumta gjatë paradites.

Ndërsa mesdita dhe pasditja sjellin kalime të pakta vranësirash në pothuajes gjithë territorin, ku më të fokusuara vranësirat do të jenë në zonat malore të vendit tonë.

Temperaturat e ajrit do të mbeten të pandryshuara në mëngjes, por do të rriten në mesditë duke luhatur vlerat ditore nga 7°C deri në 27°C.

Era do të fryjë mesatarisht me shpejtësi 45 km/h kryesisht nga drejtimi verior duke krijuar në det dallgëzim mbi 3 ballë.

Ndërsa nesër, me 22 shtator 2022, sipas MeteoAlb, territori shqiptar deri në mesditë do të jetë në dominimin e kthjellimeve në ultësirën perëndimore, dhe kalime të pakta vranësirash do të ketë në zonat malore.

Ndërsa mesdita dhe pasditja do të shfaqin vranësira në vend, ku në zonat malore do të krijojnë dhe mundësi të pakta për momente me pika shiu.

Temperaturat e ajrit do të ulen lehtë në mëngjes dhe në mesditë duke luhatur vlerat ditore nga 6°C deri në 26°C.

Era do të fryjë e lehtë dhe mesatare me shpejtësi 35 km/h kryesisht nga drejtimi verior - verilindor duke krijuar në brigjet detare dallgëzim mbi 2 ballë./CNA.al





Lajmet e fundit nga