web counter
LEXO PA REKLAMA!

SHKARKO APP

App Store
Google Play

E fundit!

x

Stuhi të fuqishme, vetëtima dhe përmbytje/ Sinoptikani grek parashikon motin për fundjavën

16 Shtator 2022, 17:44, Sociale CNA
Stuhi të fuqishme, vetëtima dhe përmbytje/ Sinoptikani grek
Foto ilustruese

Sinoptikani grek, Sakis Arnaoutoglou, ka zbuluar surprizat e motit për në fundjavë, ku thekson se do të ketë reshje të dendura shiu në 48 orët e ardhshme.

Sipas sinoptikanit, ky mot do të mbizotërojë në disa qytete dhe fshatra të Mal të Zi dhe në Shqipëri.

“Zonat në perëndim të Gadishullit të Ballkanit pritet të pranojnë shumë reshje shiu, veçanërisht disa qytete e fshatra në Mal të Zi dhe në Shqipëri, nuk përjashtohet që të përballen me probleme për shkak të këtyre reshjeve të dendura në 24 deri në 48 orët e ardhshme”, tha Sakis Arnaoutoglou, sinoptikan ERT.

I pyetur nga TCH, sinoptikani grek ka theksuar se, në epiqendër të kësaj vale disa orëshe të motit të keq do të jenë përsëri ato zona që u prekën edhe javën e kaluar dhe se reshjet e dendura të shiut do të regjistrohen përsëri në Shkodër,  Kukës, Lezhë  e zona të tjera veriore dhe veriperëndimore në kufi me Malin e Zi  ku mund të shkaktojnë edhe njëherë përmbytje.

“Shikoni këtu edhe nuancat më të errëta në rajonet e Ballkanit Perëndimor nga Shqipëria në Mal të Zi, nuk përjashtohet që siç ju thashë në fillim, fenomenet kohore të kenë një karakter intensiv dhe të krijojnë probleme atje, nga e premtja në mëngjes deri në mesditën e  së shtunës”, tha ai.

Arnaoutoglou tha se, shirat do të shoqërohen me stuhi dhe vetëtima ,ndërsa do të ketë ulje të temperaturës. Moti do të bëhet shumë i paqëndrueshëm edhe në pjesën tjetër të Shqipërisë , kryesisht pas mesditës së të shtunës me shira, por edhe stuhi lokale të fuqishme, ka zbuluar sinoptikani.

Përmirësim do të kemi të dielën dhe të hënën, por nuk përjashtohet që të martën e ardhshme, në 20 shtator të regjistrohen sërish në disa orë të ditës shira dhe stuhi lokale.





Lajmet e fundit nga