web counter
LEXO PA REKLAMA!

SHKARKO APP

App Store
Google Play

E fundit!

x

Si të ushqehemi në verë/ Nutricionistja sugjeron se çfarë duhet të hamë gjatë periudhave të nxehta

27 Qershor 2022, 10:44, Sociale CNA
Si të ushqehemi në verë/ Nutricionistja sugjeron se
Foto ilustruese

Nutricionistja Albana Daka ka folur ditën e sotme për stinën e verës dhe si të ushqehemi në këtë periudhë shumë të nxehtë.

Ajo ka dhënë këshillat e nevojshme për çdo moshë, duke u ndalur më konkretisht edhe te gratë shtatzëna. Daka në "ABC" ka sugjeruar që të bëjnë kujdes me produktet e detit, konkretisht ato krudo, të cilat janë të ndaluara.

“Nëse ne realisht shfrytëzojmë shportën ushqimore që na jep vetë stina, do të jetë perfekte. Çka do të thotë që ne do të duhet të kemi një ushqim të dominuar nga perimet dhe nga frutat të stinës me sa më shumë lëngje se temperaturat janë të larta dhe shkëmbimet mes temperaturës dhe organizmit janë më të mëdha, dehidratimi, pra lëngjet që konsumon organizmi në këtë periudhë janë sasira më të konsiderueshme. Pra, ne duhet të marrim lëngje sa më shumë, as të nxehta dhe as të ftohta, në temperaturë normale. Tjetra, si gjithë organizmi nga temperaturat e larta dhe trakti tretës bëhet pak dembel. Nuk tret me atë ritëm që tret në temperatura të ftohta. Kështu që ne duhet t’i çojmë organizmit ushqime me sa më pak kalori, sa më të lehta për t’u tretur dhe me sa më shumë ujë.

Unë do të thosha që edhe frutat e detit mund të jenë pjesë e regjimit ushqimor, po jo me sasi të shtuar. Pra, mund të themi që peshku mund të shtohet një herë, dy herë apo tri herë, edhe 4 herë në javë pse jo gjatë ditëve të verës. Nuk do të thosha gjë për produktet e detit, sidomos për personat që kanë yndyrna të larta. Në personat me një grupmoshë të caktuar, pra mbi 60 vjeç që kanë yndyrna të larta të mos kenë më shumë se një herë në 10 ditë apo dy javë produkte të tjera të detit. Gjithashtu do të thosha që frutat e detit dhe peshku, të mos jenë krudo te gratë shtatzëna në këtë periudhë, për shkak jo vetëm të mërkurit që ato përmbajnë, por mund të përmbajnë edhe elemente të tjera që mund të jenë të dëmshëm për fetusin që është duke u krijuar”, u shpreh ndër të tjera Daka./CNA.al

 





Lajmet e fundit nga