LEXO PA REKLAMA!

SHKARKO APP

E fundit!

x

Denoncimi/ Ministria e Jashtme shpërdoron ujin për të larë makinat, UKT hesht

21 Qershor 2022, 20:34, Sociale CNA
Denoncimi/ Ministria e Jashtme shpërdoron ujin për të larë
Foto nga denoncimi i shpërdorimit të ujit

Pranë redaksisë së CNA.al, ka mbërritur një denoncim nga një qytetar, i cili ngre shqetësimin e shpërdorimit të ujit nga Ministria e Jashtme.
Në videon e sjellë në redaksi në pjesën e pasme të Ministrisë së Jashtme është filmuar një qytetar, i cili po lan makinat.
Sipas denoncimit të bërë në redaksi, mësohet se banorët e pallateve për rreth kanë ngritur shqetësimin për abuzimin dhe shpërdorimin me ujin, por përveç shpërdorimit të ujit banorët i shqetëson më shumë zhumra që bëhet.
Shfrytëzimi i ujit për të larë makinat, nis nga ora 5 e mëngjesit,- ngre shqetësimin qytetari, - deri në orët e vota të mbrëmjes.
Banori, i cili ka sjellë denoncimin pranë redaksisë së CNA.al, shprehet se ata kanë marrë kontakt edhe me përgjegjësin e Ministrisë së Jashtme, Sekretarin e Pergjithshëm dhe Shefat e Shërbimeve në ministri, por askush sipas tij, nuk e ka prishur terezinë.
Shpërdorimi i ujit të pijshëm është i ndaluar dhe UKT po ta shikosh në faqen e saj zyrtare jep këshilla duke thënë se përdorimi i ujit të pijshme nga rrjeti i UKT-së për lavazho, ujitjen e tokës buqësore është i ndaluar.
Në nenin 4.5 pika 6 thuhet se, “Ndalohet kategorikisht përdorimi i ujit të pijshëm për lavazhe, ujitjen e tokës bujqësore, lagien e trotuareve dhe rrugëve, nevoja teknologjike që nuk janë parashikuar në projekte dhe aprovuar më parë nga UK __Sh.a.”.
Mbetet për të parë nëse UKT-ja do të marrë masa apo jo. Siç kemi ngritur shqetësime edhe më herët, duket se UKT mbyll sytë para abuzimeve që bëhen nga institucionet shtetërore, ndërkohë që ngarkon me gjoba qytetarët./CNA.al

 

Denoncimi/ Ministria e Jashtme shpërdoron ujin për të larë

 

Denoncimi/ Ministria e Jashtme shpërdoron ujin për të larë

 

Lajmet e fundit nga