LEXO PA REKLAMA!

SHKARKO APP

Policja shqiptare në Florida/ “Që kur kam ardhur, kam përjetuar 3 uragane”

4 Tetor 2022, 09:47, Sociale CNA

Policja shqiptare në Florida/ “Që kur kam ardhur, kam

Erida, policja shqiptare në Florida, tregoi në një intervistë për “Goodmorning Albanians” në "Euronews Albania", se që prej vitit 2004 që është transferuar në Shtetet e Bashkuara të Amerikës ka përjetuar 3 uragane.

Ajo u shpreh se kjo lloj fatkeqësie natyrore mund të parashikohet dhe në varësi të nivelit të uraganit, nga 1 deri në 5, në bazë të të cilit rritet edhe shqetësimi për situatën.

Brenda javës, Erida tha se ka bërë 107 orë punë dhe kështu do të vazhdojë, me po të njëjtin ritëm derisa gjendja e emergjencës të mbarojë dhe qytetarët të jenë të gjithë të sigurt.

“Për ne, pasi era kaloi 45 milje në orë, gjithë policia u tërhoq nga rruga. Ishte shumë e vështirë për ne, pasi jetojmë në një nga 6 qytetet më të mira në Amerikë, kështu që përgjigjja e policisë, përgjigjja që i jepnim publikut ishte shumë e shpejtë dhe ishte gjëja më e vështirë kur i dëgjonim për çfarë kishin nevojë dhe s’kishim asgjë që mund të bënim,” – u shpreh efektivja.

Për Eridën, momenti më i vështirë ishte pikërisht tani, pas përfundimit të uraganit Ian dhe përballja me realitetin./Euronews

Lajmet e fundit nga