web counter
LEXO PA REKLAMA!

SHKARKO APP

App Store
Google Play

Ndërtimi i kullës në Shkodër/ Komunitetet fetare: Po grabitet prona

13 Tetor 2025, 13:10, Qyteti im CNA

Ndërtimi i kullës 35-katëshe në qendër të qytetit të Shkodrës ka sjellë reagimin e komuniteteve fetare. Myftiu i Shkodrës, imam Muhamed Sytari, dhe drejtuesi i kishës ortodokse At Nikolla Petani, zhvilluan një takim këtë fillim jave.

Toka mbi të cilën po ndërtohet kulla është në proces gjyqësor.

Myftiu i Shkodrës, imam Muhamed Sytari, tha se është një problem madhor i dekadave të fundit.

Imami u shpreh i keqardhur që po përpiqen ta përdorin këtë çështje për të mbjellë urrejtje fetare.

 

"Dekadat e fundit kemi një problem të madh, të cilin e ndjekim se si zhvillohet. Institucionet nuk i japin zgjidhje problemit të pronës te hotel 'Rozafa'. Nuk kemi dijeni për ndërtimin e kullës. Kjo është e papranueshme. Jemi të angazhuar në gjyqe dhe shkresa të ndryshme. Kemi fituar gjyqet.

Më vjen keq që elementë të caktuar të qytetit e përdorin këtë situatë për të mbjellë urrejtje fetare.

Thërrasim drejt respektimit të pronës. Nuk tërhiqemi pa fituar të drejtën tonë. Jemi në pozitën e atij që lufton me atë që ka në dorë. Kemi të bëjmë me rigrabitje të pronës sonë dhe këtë e lejon shteti. Sot në zemër të Shkodrës po ndodh grabitje flagrante. 35 vite pas rënies së komunizmit dhe shihni çfarë flasim sot. Protestë? Çdo gjë në kohën e vet, ka më shumë se protesta, brenda kuadrit ligjor”, u shpreh imami.

 

At Aleksandër Petani, famullitar i Kishës Ortodokse Shkodër, ka deklaruar se feja dhe prona po grabiten nga njerëz që ata as nuk i njohin.

 

“Në qytetin tonë po ndodhin gjëra që na vrasin shumë. Jemi 35 vitë në gjyqe, jemi lodhur aq shumë. Feja dhe prona po grabiten nga njerëz që nuk i njohim. Gjykata Kushtetuese na ka dhënë të drejtë”, u shpreh At Aleksandër Petani.

 

Zona ku parashikohet të ndërtohet kulla është objekt mosmarrëveshjesh prej më shumë se dy dekadash, me pretendime pronësie nga Myftinia e Shkodrës, Kisha Ortodokse dhe familja Laçaj. Proceset gjyqësore janë ende në vijim./CNA





Lajmet e fundit nga