web counter
LEXO PA REKLAMA!

SHKARKO APP

App Store
Google Play

E fundit!

x

Edicioni i dytë i "Korça Serenights"/ 3 netë magjike për artdashësit

18 Shtator 2025, 13:01, Qyteti im CNA

Edicioni i dytë i "Korça Serenights"/ 3 netë magjike

Sot, në orën 19:30 çel siparin festivali i serenatave “Korça Serenights”, i cili do të mbahet nga data 18-20 shtator.

Festivali në këtë natë të parë do të mbahet te Dyqani i Pllaton Bubuqit nën sloganin “Ta mbash mend sa të rrosh atë natë do ta kujtosh”.

CNA TV do të transmetojë live për shikuesit eventin më të bukur e më të veçantë që organizohet në Korçë. Shikuesit do të kenë mundësinë që nëpërmjet ekranit tonë të shijojnë serenatat korçare të kënduara nga artistët më të mirë të qytetit.

Agjenda e këtij evenimenti të rëndësishëm kulturor për Korçën është mjaft e ngjeshur, pasi do të ketë edhe ekspozita. Mbrëmjen e sotme do të hapet për artdashësit ekspozita me temë: “Telat e dashurisë”, ku publiku do të shohë kitarat dhe mandolinat sipas viteve.

Festivali fton të pranishmit t’u bashkohen artistëve me organizimin “Tingujt e rrugicave” që synon promovimin e vlerave dhe traditës së qytetarisë korçare.

Laxarela Band do të jetë performuesja e natës së parë.

Nesër, më 19 shtator, festa nis më herët, në orën 19:00 dhe do të zhvendoset në ambientet e liceut ku publiku do të gostitet me performancat e mrekullushme të Mimoza Paravelit, Ëndërr Serenatë Band, Jorgjeta Lazajt dhe bandit “Hani i Pazarit”, e do të mbyllet me tingujt e Cofiel Band.

Më 20 shtator nga ora 20:00 si çdo vit Pazari i Vjetër do të gjallërohet me tingujt e artistëve më në zë shqiptarë në një mbrëmje gala.

Koncerti do të hapet nga Orkestra Simfonike e Forcave të Armatosura dhe më pas publiku do të mbërthehet nga interpretimet e artistëve "big" Frederik Ndoci, Eli Fara, vëllezërve korçarë Endri dhe Stefi Prifti, Mihallaq Andrea, Ermira Kola, Bledi Polena.

Ky festival do të zhvillohet nën drejtimin artistik të Mjeshtrit të Madh Josif Minga dhe kurimin e Blerta Balliut.

Edicioni i dytë i "Korça Serenights"/ 3 netë magjike

Tingujt e kitarave, mandolinave, violinave do të kujtojnë për të vjetrit emocionet e thella që kanë ndier kur u këndonin vajzave poshtë ballkonit të shtëpisë, ndërsa për të rinjtë do të përcjellin historinë dhe traditën shumëvjeçare që vetëm Korça di ta ruajë e ta ketë./CNA

Edicioni i dytë i "Korça Serenights"/ 3 netë magjike

 

 

 

 

 

 

 

 

 

 

 

 





Lajmet e fundit nga