web counter
LEXO PA REKLAMA!

SHKARKO APP

App Store
Google Play

E fundit!

x

Shkolla Teknike Profesionale në Korçë hap mundësi të reja për nxënësit dhe tregun e punës

7 Shtator 2025, 12:30, Qyteti im CNA

Shkolla Teknike Profesionale në Korçë hap mundësi të

Procesi i regjistrimeve në Shkollën Teknike Profesionale të Korçës ka ecur me ritme të mira këtë fillimviti shkollor. Zëvendësdrejtoresha e shkollës, Pranvera Zhurka, thotë se vihet re një interes i lartë i nxënësve për drejtimet që ofron institucioni.

Të gjitha degët janë hapur, mes tyre shërbime mjetesh transporti, elektroteknikë, teknologji informacioni, mekanikë, ndërtim dhe termohidraulik. Por, më të kërkuarat këtë vit kanë qenë drejtimi i shërbimeve të mjeteve të transportit dhe ai i termohidraulikës.

“Deri tani rregjistrimet në Shkollën Teknike Profesionale Korçë kanë qenë të mira. Vihet re një interes i lartë për zgjedhjen e drejtimeve të shkollës tonë. I kemi hapur të gjitha drejtimet që janë shërbime mjetesh transporti, elektroteknik, teknologji-informacioni, mekanik, ndërtim dhe termohidraulik. Interes në këto drejtime ka patur më tepër për shërbime mjetesh transporti dhe termohidraulik”, tha nëndrejtoresha Zhurka.

 

Risia për këtë vit shkollor është hapja e nivelit të pestë të kualifikimit profesional për shërbimin e mjeteve të transportit, që ka të bëjë me diagnostikimin dhe menaxhimin e autoserviseve në sistemin dual. Në këtë program pranohen nxënësit që kanë mbaruar më parë këtë drejtim, por edhe të rinjtë që kanë eksperiencë pune në fushën përkatëse.

“Risia për këtë vit është që ne na është aprovuar hapja e nivelit të 5-të të kualifikimit të drejtimit shërbim mjetesh transporti, që është diagnostikim, menaxhim autoservisi në sistemin dual. Në këtë kualifikim pranohen nxënësit që kanë mbaruar këtë drejtim, gjithashtu dhe të gjithë të rinjtë e tjerë që kanë eksperiencë pune në këtë drejtim. Pas mbarimit të këtij kualifikimi, do të kenë të drejtën e menaxhimit të autoservisit, pra marrin lishencë për këtë drejtim. Nxënësi i realizon gjithë modulet e këtij niveli të 5-të në sistem dhe do të mbikqyret nga mentorët në biznes. Përfitimi është që nxënësit do të punësohen nëse do të jenë dakord, derisa të jenë të aftë të hapin biznesin e tyre”, u shpreh Zhurka.

 

Pas përfundimit të këtij niveli, të rinjtë do të marrin licencën për menaxhimin e një autoservisi dhe do të përfitojnë mundësinë e punësimit të menjëhershëm nga bizneset ku do të kryejnë praktikat.

Ky nivel kualifikimi shihet si një mundësi konkrete për t’u përballur me zhvillimet e reja teknologjike, ku përfshihen edhe makinat elektrike, që kërkojnë njohuri më të avancuara dhe të aplikuara drejtpërdrejt në tregun e punës.

 

“Nëse shohim zhvillimin e teknologjisë vitet e fundit, është me hapa më të shpejta. Shohim që sot kemi makinat elektrike, në sistemin 4 vjeçar bëhen deri diku, por në kualifikimin e 5-të do të jenë më të avancuara dhe direkt në biznes, ku do të monitorohen nga inxhinierë të këtij zanati”, deklaroi nëndrejtoresha.

 

Me hapjen e nivelit të pestë të kualifikimit, Shkolla Teknike Profesionale e Korçës jo vetëm që u jep nxënësve mundësi të reja zhvillimi, por krijon edhe ura bashkëpunimi me biznesin, duke i përgatitur të rinjtë për tregun e punës dhe për hapjen e bizneseve të tyre në të ardhmen. Rregjistrimet vazhdojnë deri në datën 30 shtator./CNA





Lajmet e fundit nga