KEP MERLI/ Oazi elitar, ku Dua Lipa zgjedh të pushojë

20 Gusht 2025, 10:39, Qyteti im CNA

KEP MERLI/ Oazi elitar, ku Dua Lipa zgjedh të pushojë

FOTO nga CNA

Gjelbërimi i dendur, pemët e shumëllojshme dhe një gji me rërë të bardhë, në një zonë jo shumë larg Sarandës dhe pranë Ksamilit, ndodhet një nga rezidencat më ekskluzive, nga më të famshmet dhe ndoshta nga më uniket deri më tani për bregdetin jonian të Shqipërisë.

Kep Merli, foto nga CNA

Ky është Kep Merli, ku në zemër të këtij peizazhi natyror, në një investim prej gati 20 vitesh, janë ndërtuar shumë pak vila.

Është oazi ku ka zgjedhur të kalojë pushimet e saj edhe vajza shqiptare, zëri brilant i së cilës sot është në top listat ndërkombëtare, ajo që kudo dhe kurdo nuk harron ta bëjë një postim në brigjet tona, një reklamë për turizmin shqiptar, pra Dua Lipa.

Rezidenca e Dua Lipës në Kep Merli, foto nga CNA

Në Kep Merli, Dua Lipa ka ndërtuar së fundmi vilën e saj në një zonë të qetë, ku ndodhen rreth 15 vila të shpërndara mes gjelbërimit. Asnjëra prej tyre nuk ka pamje nga tjetra, duke ruajtur privatësinë dhe një ambient të paprekur nga zhurma. Është një vend ku filmimi nga brenda është i ndaluar, pikërisht për të garantuar qetësinë që ofron ky kompleks i veçantë.

Rezidenca e Dua Lipës në Kep Merli, foto nga CNA

Mjafton të shkosh nga deti me një mjet lundrues, për të parë gjithë diferencën që ndodh nga Saranda deri në Ksamil, atje ku ndodhet Kep Merli, ku ka zgjedhur të ketë shtëpinë e saj për të pushuar Dua Lipa, këngëtarja jonë që më shumë sesa e famshme është një krenari për shqiptarinë.

Rezidenca e Dua Lipës në Kep Merli, foto nga CNA

Në Kep Merli, investitori i saj Agim Shënedjela ka zgjedhur të kurojë më shumë sesa luksin e shfrenuar, gjelbërimin, privatësinë, qetësinë, detaje këto që bëjnë diferencën. Kjo është një hapësirë ku mund të pushosh larg çdo zhurme, i rrethuar nga natyra dhe harmonia.

Në një vend ku përballë ndodhet Korfuzi, e të thotë se valët e qeta të detit nuk do të kthehen dot kurrë në dallgë, në një gji ku natyra përqafohet me artin që ndërtojnë duart e njeriut.

Kep Merli , foto nga CNA

Ne mundëm të fotografonim nga jashtë resortit vilën e Dua Lipës.

Jo pa qëllim dhe me gjithë dëshirën dhe falënderimin për reklamën e paepur që ajo i bën turizmit në Shqipëri. E kush nuk do të donte që Dua Lipën ta kishte në një nga rezidencat dhe resortet e tij, që ajo t’i reklamonte?!

Por në Kep Merli është ndryshe. Ajo ka zgjedhur të ketë vilën e saj, ku kalon pushimet shpesh, ku qëndrojnë familjarët e saj, për të përjetuar Shqipërinë në formën e saj më autentike.

Rezidenca e Dua Lipës në Kep Merli, foto nga CNA

Kep Merli është vizituar nga personalitete të artit, të skenës dhe të politikës botërore. Është një kënd jo thjesht i gjelbëruar dhe i ndërtuar në detaje me shumë dashuri për natyrën.

View this post on Instagram

A post shared by CNA.al (@cna.lajme)

Është një parajsë e vogël, një cep në jug të Shqipërisë, e cila na tregon se me përkushtim mund të ndërtohen vende të jashtëzakonshme, që përtej një resorti pushimi, janë një vlerë e shtuar që tregojnë se turizmi shqiptar mund të jetë në një nivel tjetër, më shumë sesa elitar, sepse te Kep Merli gjen gjithçka që nuk mund ta shohësh në vende të tjera.

Kep Merli, foto nga CNA

Përtej hapësirës së gjelbëruar dhe ndërtimit me përkujdes maksimal, bashkimit të natyrës me dorën e njeriut, aty ku Dua Lipa ka zgjedhur strehën e saj të qetësisë.

Kep Merli, foto nga CNA

Aty ku shumë personalitete nga bota shkojnë për të njohur Shqipërinë. Ne kemi një pjesë të Shqipërisë që tregon se di të jetë konkurrente, jo thjesht dhe vetëm në turizëm, por për të ofruar një parajsë në tokë, si një shembull për të qenë jo thjesht një kartolinë e bukur, por e vërteta e së bukurës Shqipëri./ CNA