web counter
LEXO PA REKLAMA!

SHKARKO APP

App Store
Google Play

E fundit!

x

“ZaFest” në edicionin e 9-të/ Magjia e Kalasë ndërthuret me muzikën e veçantë

26 Korrik 2025, 16:05, Qyteti im CNA

“ZaFest” në edicionin e 9-të/ Magjia e Kalasë

Në kalanë ‘Rozafa’ në Shkodër, spektatorë të ardhur jo vetëm nga Shqipëria, por edhe nga jashtë, kanë shijuar spektaklin muzikor në ‘ZaFest’. Muzika e zgjedhur, e ndërthur me efektet e dekorit dhe madhështinë e Kalasë së Shkodrës, i dhanë aktivitetit vlera të veçanta artistike. 

Ideatori i festivalit, Vlashent Sata, ndau emocionet dhe qëllimin e këtij aktiviteti që mbështetet nga Bashkia Shkodër dhe partnerë të tjerë.

“ZaFest” në edicionin e 9-të/ Magjia e Kalasë

“Njerëzit kanë nevojë për art, muzikë të mirë, për të qëndruar me njëri-tjetrin dhe për biseda frymëzuese. Çdo gjë e mundshme bëhet me shumë përkushtim dhe dashuri. Tashmë njerëzit e kanë gjetur veten tek ‘ZaFest’, përfaqësohen nga ky event. Shkodra është origjina e familjeve nga të dy prindërit e mi dhe Shkodrën do ta dua gjithmonë. Shkodra i ka dhënë shumë artit e kulturës shqiptare, ndaj meriton t’i kthehet diçka. Do doja që shtëpia e ‘ZaFest’ të ishte përherë Shkodra. Njerëzit ndjehen mirë, këtu ka të ardhur nga Australia nga Kosova, Mali i Zi e shumë vende të tjera sepse e gjejnë veten në ‘ZaFest’. E kjo mendoj se është e veçanta”,-tha Sata.

Mbrëmja u pasurua nga performanca mbresëlënëse e artistëve: Armend Rexhepagiqi, Sahati, si dhe grupit të njohur ndërkombëtar ‘Rednex’, që elektrizuan skenën dhe publikun me këngët e tyre.

“ZaFest” në edicionin e 9-të/ Magjia e Kalasë

Qytetarët e shumtë mes tyre edhe aktorja Monika Lubonja ishin të pranishëm dhe ndanë entuziazmin për atmosferën e veçantë që krijon “Za Fest”.

“Hera e Parë ishte super, vazhdoni kështu sepse ishte vërtet mrekulli. Edhe Kalaja ka magjinë e saj, kështu qe unë ju uroj suksese e Shkodra të jetë përherë zjarr”,-tha aktorja Monika Lubonja.

Edhe pjesëmarrësit ndajnë përshtypjet e tyre:

“Kjo është hera e tretë, atmosfera ishte fantastike. Kam ardhur me familjen, çdo gjë ishte mrekulli. Ua këshilloj të gjithëve”.

“Është hera e dytë. Ky edicion ishte edhe më i bukur. ‘ZaFest’ ka këtë të bukur sepse mbledh shumë njerëz bashkë e ne mundohemi të vijmë përherë”.

“ZaFest” në edicionin e 9-të/ Magjia e Kalasë

‘ZaFest’ zhvillohet në Shkodër prej 9 vitesh. Festivali vijon me natën e tretë, e cila është edhe nata përmbyllëse, sërish në kalanë “Rozafa”, ku priten të ngjiten në skenë artistë të tjerë, duke e kthyer Shkodrën në një qendër të kulturës dhe muzikës bashkëkohore./CNA





Lajmet e fundit nga