web counter
LEXO PA REKLAMA!

SHKARKO APP

App Store
Google Play

Festa e Zojës së Shkodrës/ Ipeshkvi i Sapës mesazh të fortë për emigracionin dhe ngjarjet në vend

19 Tetor 2025, 11:36, Qyteti im CNA

Besimtarët katolikë të Shkodrës kanë nisur kremtimet e festës së Zojës së Shkodrës, mbrojtëses dhe pajtores së qytetit. Në të gjitha kishat u zhvilluan meshë solemne dhe procesione në rrugë.

Festa e Zojës së Shkodrës/ Ipeshkvi i Sapës mesazh të

Në kuadër të vitit jubilar, Kisha Katolike lëshoi mesazhe të forta dhe të drejtpërdrejta për më shumë lindje, dashuri dhe tolerancë. Ipeshkvi i Sapës Imzot Simon Kulli, vuri theksin tek emigracioni si një plagë e shoqërisë që po ndikon tek familja.

“Sot i kushtojmë zotit ato familje që nuk kanë mundësi të gëzojnë në bashkësinë familjare, sepse prindërit punojnë apo janë larg vendlindjes së tyre, dhe rrallë kanë mundësi që tëe bashkohën. E sot po I mungojnë shoqërisë sonë. Familja nuk I përngjan më familjes së shenjtë por kemi teper pak dashuri mes njëri-tjetrit sepse teknologjia e ka mbulu zemren tonë. Edhe prindi duhet ta nderojë fëmijën e vet. Ne nuk mund të krijojmë jetën askujt, por as nuk duhet të guxojmë t’ia marrim askujt. Kur na dhuron zoti fëmijët duhet të kujdesemi për jetën e tyre si për veten. Është pjesë e urdhërimeve të nderosh prindin. Mësoni fëmijëve tuaj dhe vetvetes tri fjalë kryesore, të lutem, më fal dhe faleminderit”, tha Imzot Simon Kulli.

Festa e Zojës së Shkodrës/ Ipeshkvi i Sapës mesazh të
Imzot Simon Kulli

Kjo nuk është hera e parë që Kisha Katolike në Shqipëri reagon përballë fenomeneve që po shkaktojnë drama sociale edhe në vendin tonë. Festa e Zojës kremtohet prej vitesh, ku sipas traditës, ikona e Zojës së Shkodrës ndodhej në një kishë të vjetër në qytet.

Në shekullin XV, gjatë pushtimit osman, besohet se figura e shenjtë u zhduk në mënyrë mrekullibërëse dhe u shfaq në Genazzano, Itali, ku sot ndodhet në një faltore të famshme. Për besimtarët katolikët, kjo ngjarje u bë simbol i  qëndresës dhe lidhjes së përjetshme midis Zojës dhe popullit të Shkodrës./CNA





Lajmet e fundit nga