web counter
LEXO PA REKLAMA!

SHKARKO APP

App Store
Google Play

Video-Berisha i jep “duart” Evi Kokalarit

13 Qershor 2022, 11:45, Politikë CNA
Video-Berisha i jep “duart” Evi Kokalarit
Evi Kokalari, Sali Berisha

Kryetari i Partisë Demokratike, Sali Berisha, mbështet Këlliçin, largon Evi Kokalarin

Kjo është një video e pak ditëve më parë, në një konferencë për shtyp e kryetarit të Partisë Demokratike, Sali Berisha.

Doktori është pyetur nga gazetarët në lidhje me akuzat dhe sulmet e bëra nga Evi Kokalari ndaj Belind Këlliçit, kreut në detyrë të FRPD-së. Një nga njerëzit që po shkëlqente në aktivitetin e tij politik.

U duk njësoj sikur ishte "çeta e Lulzim Bashës", por në fakt ishin një grup individësh të dështuar dhe humbës në Partinë Demokratike, të cilët tentuan që nëpërmjet gojës së Kokalarit, t’i faturonin Këlliçit një skemë lobimi në Kuvendin Kombëtar të PD-së, për të cilin Berisha në videon e mëposhtme flet qartazi, ndërsa thotë se “unë nuk jam pro lobimeve, por në fakt kanë ndodhur”.

Kokalari ose e njohur gjerësisht si Evi Angelakis, sulmoi Belind Këlliçin gjatë periudhës njëjavore të mbledhjeve të dy këshillave kombëtarë, për zgjedhjen e posteve drejtuese të partisë.

E përdori Flamur Noka, e përdori një sekt i vogël brenda PD-së apo çfarë ndodhi, kjo ngelet për t’u sqaruar. Por, një gjë është fakt. Kokalari sulmoi ashpër Këlliçin, deri me akuza se ka marrë një milionë dollarë para droge për fushatë elektorale, për të cilat me sa duket qartazi do të shkojë në gjykatë, për t’i sqaruar. Dhe është e gabuar dhe e turpshme, fakti që nuk e ka thënë më parë publikisht këtë gjë.

Gjithsesi, doktor Berisha është i qartë në atë që thotë, pasi ka marrë dhe informacionet për tri-katër fletët e lobimit që u shpërndanë në Kuvendin Kombëtar. Pasi Kokalari nxori vetëm një dhe akuzoi pse FRPD kishte nëntë të rinj më shumë. Ndërkohë që duhej të kishte përshëndetur zgjedhjen e të rinjve.

Dhe nga ana tjetër duhet të kishte folur edhe për grupet e tjera të lobimit. Që nuk ishte vetëm ky grupi i të rinjve, por ka edhe fletë të tjera të lobimit apo sms të shpërndara nga njerëz afër Kokalarit, me emrat e atyre që mbështet Kokalari apo donte t’i nxirrte në Këshillin Kombëtar, me lobimin që ajo bëri pasi e ka deklaruar publikisht se “duhet të kishte lobuar më shumë”.

Video-Berisha i jep “duart” Evi Kokalarit

Ka deklaruar publikisht se ka lobuar kundër Këlliçit, dhe lobimi në SHBA ka disa ligje shumë strikte.

Video-Berisha i jep “duart” Evi Kokalarit

Por, edhe për këtë duhet të përgjigjet zyrtarisht.

Më poshtë po sjellim një video, ku Sali Berisha e thotë qartazi qëndrimin e tij për Belind Këlliçin, pas sulmeve të Evi Kokalarit, së cilës duket qartazi se i “jep duart”, kur thotë që “zgjodhi të tërhiqet nga kandidimi”.


Pra, është hera e katërt që Evi Kokalari tërhiqet. Është tërhequr tri herë publikisht dhe është kthyer. Dhe e katërta është kjo që na thotë doktori publikisht. “Në jetën dhe aktivitetin e saj në SHBA, me sa di unë, te Republikanët”, - thotë Berisha.

Me sa dimë ne, nuk ka asnjë pozicion te Republikanët. Mund të jetë një aktiviste, si mijëra të tjerë, por ajo është një qytetare shqiptare dhe një shtetase amerikane, që ka ikur para dy dekadash në SHBA, dhe vjen në Shqipëri të ndihmojë Partinë Demokratike.

Ndërkohë, me aktet e fundit dhe veprimet që ka bërë është thjeshtë dhe vetëm një dështim total, pasi sulmoi “palcën” e PD-së, sulmoi FRPD-në, dhe qartazi Berisha ia jep përgjigjen në video.

Për kontributin e Këlliçit dhe largimin e Evi Kokalarit.

Pra, edhe Berisha i ka “dhënë duart” Evi Kokalarit dhe e thotë qartazi se ajo ka zgjedhur të tërhiqet, të mos kandidojë, por të shohë jetën e saj në SHBA.

Prandaj, kjo video flet më shumë se çdo gjë tjetër. Pse është “tërbuar” Kokalari, pse ka marrë kaq shumë zjarr. Ndoshta është bërë pishman që nuk u zgjodh dot. Ndoshta është bërë pishman që nuk zgjodhi dot ata që donte ajo, me lobimet e saj totalisht të paligjshme, për të cilat siç e theksuam më lart, duhet të mbajë përgjegjësi ligjore.

Videoja i thotë të gjitha./CNA.al

 





Lajmet e fundit nga