LEXO PA REKLAMA!

SHKARKO APP

E fundit!

x

“Ua paska fajin Meta”/ LSI nuk përmbahet ndaj socialistëve: Karagjozë rrugësh

4 Qershor 2022, 12:12, Politikë CNA

“Ua paska fajin Meta”/ LSI nuk përmbahet ndaj

“Procesi më karagjoz i zgjedhjes së Presidentit, pa asnjë lidhje me seriozitetin e shtetit”.

Kështu e cilëson LSI-ja procesin e përzgjedhjes së Presidentit të ri, që pritet të vuloset sot pasdite në orën 18.00, në seancë parlamentare.

Por, sipas nënkryetarit të LSI-së, Petrit Vasili, me seriozitetin zero, që i karakterizon Rama & Co e propozuan kandidatin për President minutën e fundit dhe kështu nuk zgjidhet as edhe një specialist i thjeshtë në administratë.

“Me seriozitetin zero që i karakterizon Rama & Co mbledhin grupin parlamentar e Komisionin e ligjeve 2-3 orë përpara seancës plenare, kur edhe një seancë e thjeshtë e Kuvendit kërkon, që 48 orë përpara mbyllet gjithçka.

Me seriozitetin zero, që i karakterizon Rama & Co procedurat ligjore të detyrueshme për shkarkimin nga Presidenti te kantidatit si Shefi i Shtabit të Përgjithshëm dhe lirimin si Gjeneral i kanë të papërmbyllura.

Asnje media dhe asnjë deputet nuk disponon as minimumin që është CV- ja e hollësishmë me të gjithë datat dhe funksionet e kandidatit për president, gjë që i kërkohet edhe specialistit më të rëndomtë në administratë”, shkruan Vasili në rrjete sociale.

Më tej numri dy i LSI-së, shkruan se tani Rama & Balla do na shpikin gjoja edhe procedura "speciale" për ta kaluar kandidatin për president se mos "gjoja" mos na i pengokërka presidenti Meta.

“Ua paska fajin Presidenti Meta se Rama & Co janë thjesht karagjozë rrugësh dhe pa asnjë lidhje me shtetin.

Jane alabakë me pushtet dhe asgjë më shumë.

Ky do te mbetet në histori si procesi më karagjoz i zgjedhjes se Presidentit, që ështe parë ndonjë herë.

Rama dhe rilindja janë dhe mbeten thjesht karagjoze në pushtet dhe asgjë më shumë”, shkruan ndër të tjera Vasili./CNA.al

Lajmet e fundit nga