LEXO PA REKLAMA!

SHKARKO APP

App Store
Google Play

Rrëfehet Julian Deda/ Si më gënjeu Lulzim Basha

28 Korrik 2022, 23:04, Politikë CNA
Rrëfehet Julian Deda/ Si më gënjeu Lulzim Basha
Aktori Julian Deda

Aktori Julian Deda ka sulmuar ish-kryetarin e PD-së, Lulzim Basha, të cilin e ka mbështetur për vite me radhë.

Ai tha se Basha nuk u bë asnjëherë lider dhe sipas tij, ky i fundit kishte në plan të shkatërronte PD-në.

“Kemi mbështetur një person që nuk u bë kurrë lider dhe nuk kishte ndërmend të bëhej sepse e gjithë kjo ishte një plan nga ana e tij për ta shkatërruar atë parti. Berisha në 2013 dha dorëheqjen u largua dhe kjo është burrni politike dhe nuk mund ta akuzojmë atë për bëmat e Lulit. Paaftësinë e tij, Berisha e ka kuptuar për aq kohë sa është kthyer. Tani vitet ikën dhe duhet ta kishte bërë këtë veprim që në 2017. Problemi është si Basha i largonte njerëzit, si gënjente dhe mashtronte”, u shpreh ai në "MCN Tv".

I pyetur nëse e ka gënjyer ndonjëherë Basha, aktori deklaroi se kjo ka ndodhur shumë herë.

“Po më ka gënjyer. Tani po të them gënjeshtrën më të lehtë. Bie tel Lul Basha dy, ora 3 e drekës. Alo, po i them. Ku je mor burrë, në shtëpi. Ca po bën? Po shoh film. Ohh bravo më tha. Do vish të më takosh pak. Vajta unë 6 e 22. Ore do angazhohesh ti më tha. I thashë unë vetëm brekët s’kam me logon e PD. Ai më tha më duhet tek anëtarësia e re. Më futi në garë dhe humba. Kishte një mënyrë që të merrte vetë dhe gënjente vetë pa i kërkuar asgjë ti. Heroi i realizmit socialist është gjithmonë një person që nuk ekziston, që i di të gjitha dhe Basha është afër këtij personazhi. Gjithmonë në rregull kishe frikë t’i afroheshe se mund ta prishje, nuk u bë kurrë një lider që t’i hidhje dorën në qafë apo të pije një gotë. Nga ana tjetër miku i tij piktori, dilte me njollë në pantallona, sepse shqiptarët kështu donin dhe këtë artistin e vogël e kishte futur në xhep”, theksoi Deda./ B.A. – CNA.al

Lajmet e fundit nga