LEXO PA REKLAMA!

SHKARKO APP

E fundit!

x

Berisha "nuk i ndahet" Ramës/ Sërish, akuza për aferën e inceneratorëve

28 Korrik 2022, 17:42, Politikë CNA
Berisha "nuk i ndahet" Ramës/ Sërish, akuza për
Kryetari i Partisë Demokratike, Sali Berisha

Kryetari i Partisë Demokratike, Sali Berisha, ka folur me tone të ashpra ndaj kryeministrit Edi Rama, pas debatit në Parlament për ndryshimet kushtetuese.

Në një prononcim për mediat, Berisha përsëriti akuzat e ngritura ndaj ish-zv.kryeministrit Arben Ahmetaj dhe u ndal te afera e inceneratorëve.

Ish-kryeministri tha se Rama është firmëtari i famshëm që i dha për tenderin e Sharrës kompanisë së inceneratorëve.

“Rama ka firmosur në shkelmim të ligjeve të vendit dhe vetëm e vetëm për të vjedhur. Kontratë me negociata të mbyllura që s’mund të firmosej kurrë nga një kryeministër që do të zbatojë ligjin. Edi Rama është shumëfishi i Arben Ahmetajt. Ai ka urdhëruar Arben Ahmetajn për prekjen e fondit rezerve të Këshillit të Ministrave që përdoret për fatkeqësi natyrore apo truma të tjera, përdorimin e tij për inceneratorët, qoftë për Elbasanin, qoftë për Fierin. Edi Rama është firmëtari i famshëm që dha për tenderin e Sharrës 8 pikë kompanisë së vet Gugalja-Zoto-Mërtiri.

Ja pse nuk lejoi diskutimin, se këto do ia tregonim me dokumente shqiptarëve. Do i tregonim shqiptarëve se vërtetë Ahmetaj është strumbullar i kësaj çështje, por bajlozët e zinj më kryesorë janë Edi Rama, Engëll Agaçi dhe Erion Veliaj. I cili siç e keni marrë vesh ka firmosur për 91 milionë euro duke falsifikuar dokumentin e firmosur prej tij e duke e paraqitur atë si dokument të të gjitha bashkive të Qarkut Tiranë. Duke falsifikuar, duke paraqitur 91 milionë euro të firmosura, të aprovuara nga Këshilli i qytetit të Tiranës, Parlamenti i Tiranës, dhe në fakt, Këshilli ka bërë mbledhjen javë më vonë për të miratuar atë dokument që kishte hyrë në fuqi dhe kishte bërë aktive marrëveshjen. Këta para vjedhjes nuk njohin asnjë pengesë, asnjë ligj, asnjë moral, prandaj sot nuk lejojnë Parlamentin të diskutojë”, theksoi Berisha./ B.A. – CNA.al

Lajmet e fundit nga