LEXO PA REKLAMA!

SHKARKO APP

E fundit!

x

Dosja e ish-sigurimsit I.M./ Balla: Duhet ndërhyrje urgjente nga Parlamenti

28 Korrik 2022, 17:41, Politikë CNA
Dosja e ish-sigurimsit I.M./ Balla: Duhet ndërhyrje urgjente nga Parlamenti
Taulant Balla

Kreu i grupit parlamentar të PS-së, Taulant Balla, nga foltorja e Kuvendit deklaroi se nuk mund të ketë debat kur ka ndryshime qeverie.

Ndër të tjera Balla deklaroi se çështja e Autoritetit të Dosjeve është një çështje që meriton debat dhe reflektim urgjent nga Parlamenti.

“Kushtetua e miratuar në 98 dhe rregullorja, u ftoj që të gjeni një rast të vetëm që kur ka pasur ndryshime të pjesshme në qeveri, që të jetë zhvilluar debat. Edhe në 2007, kur Alibeaj zëvendësoi Rusmailin unë kërkova debat. dhe kryetarja e asaj kohe dha sqarim se s’ka debat. Kjo është e mbyllur. Sa i përket çështjes tjetër, që është e mbyllur dhe unë gjej rastin të them dy fjalë për këtë; çështja e një shkrese të ardhur nga Autoriteti i Dosjeve nuk është çështjes procedure. Është çështja që meriton që sa më shpejt të mundemi të kemi një debat dhe natyrshëm reflektim serioz. Ngritja e bashkëpunëtorëve të Shtetit, shërbim terrori në të gjitha majat e politikës, kërkon reflektim urgjent nga ky Parlament, në mënyrë të mëhershme. Ish-sekretarë partie dhe bashkëpunëtorë të Sigurimit të Shtetit hedhin baltë mbi Autoritetin e Dosjeve. Ata kanë alarmuar Kuvendin. Unë dhe zoti Meta, kur zoti Meta ishte kryetar Kuvendi e kemi mbështetur së bashku zonjën Genta Sula si kryetare e Autoritetit. Pak javë më parë e votuam me konsensus. Genta Sula na doli patronazhiste. Duhet t’u japim drejtim atyre ndërhyrjeve ligjore dhe shpresoj që zoti Alibeaj të mbajë fjalën. Autoriteti i Dosjeve të shohë çdo dosje të atyre që kanë hyrë me përgjues në trup. PS është gati dhe do mbështesë çdo ndryshim në kod. Shpresoj që PD të reflektojë”, tha Balla./ CNA.al

Lajmet e fundit nga