E fundit!

15:40 Aktualitet

Të premten, mbledhja e Grupit të PS-së dhe kabinetit/ Zbardhet agjenda e takimit

Kryeministri Edi Rama do të mbledhë ditën e premte Grupin ...

Produktet po u ngelen pa shitur/ Rama ofendon fermerët: U mungon dija, mallkojnë në media

28 Qershor 2022, 11:15, Politikë CNA

Produktet po u ngelen pa shitur/ Rama ofendon fermerët: U mungon dija,

Kryeministri Edi Rama

Kryeministri Edi Rama nuk i ka kursyer ofendimet ndaj fermerëve, të cilët ankohen se po u ngelen pa shitur produktet dhe se shteti nuk po u jep asnjë mbështetje.

Por Rama e ka cilësuar si mungesë të dijes dhe informacionit faktin që fermerët në vend hedhin produktet e tyre pasi nuk ka treg për shitje.

Në konferencën “Bujqësia me Teknologji dhe Inovacion”, kreu i qeverisë tha se dija luan një rol të rëndësishëm në këtë sektor. Rama iu referua hedhjes së qershive nga fermerët në vend, ndërsa si shembull solli fermerë të tjerë që kanë nxjerrë të ardhura po nga këto qershi, tha ai.

“Edhe këtu në territorin e bujqësisë sonë ka jo pak shembuj zhvillimi dhe suksesi. E gjitha lidhet me dijen sepse vullnet për të punuar tokën ka. Ata që dalin në dalin në televizor duke mallkuar shtetin, nuk iu mungon vullneti apo djersa, jo. Por ajo ça bën diferencën është dija, e cila lidhet me informacionin, dhe këtu i takon qeverisë të bëjë edhe më shumë. Por i takon edhe vetë fermerëve të bëjnë më shumë.

Nuk ka nevojë të na dëgjojë askush ne, mjafton të marrë mundimin dhe të shikojë si bëjnë të tjerët. Dalin në TV pamjet e disa fermerëve që hedhin qershitë dhe bërtasin për subvencione e për qeverinë, dhe kjo duhet të ishte shqetësuese në rast se kështu do të ndodhte me të gjitha qershitë e Shqipërisë. Ndërkohë që ka të tjerë që po me këto qershi bëjnë sukses. Atëherë cili është dallimi midis të parëve dhe të dytëve? Disa e hedhin dhe disa bëjnë të ardhura të larta. Atëherë çfarë duhet bërë? Ata fermerë duhet të marrin mundimin të shkojnë tek ata të tjerët dhe të thonë ore si e bëni. Dhe e dyta i takon ministrisë që të ndërtojë këto ura komunikimi për të transferuar dijen e krijuar nga njerëzit në territor”, tha ai./CNA.al