LEXO PA REKLAMA!

SHKARKO APP

Polemikat për krahasimin e emigrantëve me turistët/ Rama: Ishte vetëm një shaka

12 Gusht 2023, 16:34, Politikë CNA
Polemikat për krahasimin e emigrantëve me turistët/ Rama: Ishte
Kryeministri Edi Rama

Disa ditë më parë, kryeministri Edi Rama publikoi dy foto, një të emigrantëve shqiptarë që merrnin anijet në Vlorë 30 vjet më parë dhe iknin në Bari dhe një tjetër që tregon tragetet drejt Shqipërisë me turistë italianë që nisen për pushime në vendin e tij.

Për këto foto që krijuan polemika është pyetur  ditën e sotme kryeministri Edi Rama gjatë një interviste për median italiane “Rai Neës24”.

Kreu i qeverisë tha se ajo foto ishte një shaka për të treguar rrugëtimin e Shqipërisë në vite.

“Mbi të gjitha nuk ishte një ironi, por vetëm një shaka, dhe besoj se duhet të qeshim kur ka momente te gëzuara dhe kur shihen hapat e rrugëtimit për të arritur këtu. Po, këtë vit me të vërtetë të veçantë kemi surprizën e madhe që janë italianët që po arrijnë pak a shume 500 000, një lajm i veçantë. Një lajm i mirëpritur dhe sigurisht që na këna, sepse ne i shikojmë italianët me një çkompensim moral, në kuptimin që Italia na pranoi për shumë vite, na bëri të ndihemi në shtëpi, dhe të kemi tani italianët në shtëpi është ajo që kemi gjithmonë ëndërruar”, theksoi Rama./ CNA

Lajmet e fundit nga