LEXO PA REKLAMA!

SHKARKO APP

Rama, elozhe për Giorgia Melonin/ “Ndihemi shumë të afërt, është grua që ka karizmë”

11 Gusht 2023, 17:50, Politikë CNA
Rama, elozhe për Giorgia Melonin/ “Ndihemi shumë të
Kryeministri Edi Rama dhe kryeministrja italiane, Giorgia Meloni

Kryeministri Edi Rama dhe homologia e tij italiane, Giorgia Meloni kanë një marrëdhënie mjaft të mirë miqësore.

Kjo është vënë re edhe në takimet ndërkombëtare, ku ata kanë qenë prezentë. Në Samitin e Komunitetit Politik Evropian, të mbajtur më 1 qershor në Moldavi, u pa duke takuar miqësisht Giorgia Melonin, të cilën e përqafoi nga mbrapa dhe e puthi në faqe.

Raporti i tyre miqësor u vu re edhe në në ceremoninë mortore të ish-kryeministrit të Italisë, Silvio Berlusconi, të mbajtur më 14 qershor.

Kryeministrja e Italisë u ngrit në këmbë dhe ka priti kreun e qeverisë shqiptare me puthje dhe përqafime, kur ky i fundit mbërriti në ceremoni.

Miqësinë mes tyre, Rama e ka evidentuar sërish gjatë një interviste të mbajtur për median italiane “LA7”.

Teka po fliste për raportet mes dy vendeve, kryeministri shqiptar tha se me homologen kuptohet shumë mirë dhe ndihen shumë të afërt.

Italia është Italia, qoftë ajo e Giorgia Melonit, apo e Romano Prodit, Silvio Berlusconi-t, Mario Draghi-t, mbetet gjithmone Italia, me problemet e saj që të gjithë përpiqen t'i zgjidhin dhe të bëjnë më të mirën e tyre. Unë jam socialist, por përveçse jam një socialist, unë jam një vëlla i vjetër i Italisë, dhe kështu ndihem shumë afër Giorgias dhe më duket se ajo është një motër e re e Shqipërisë. Ne kuptohemi shumë mirë, nuk ka lidhje nëse je socialist apo demokrat apo i ndonjë prirjeje tjetër, duhet të bëhen ato zgjedhje që i duhen vendit pa rënë në kurthin e ideologjive, se ashtu nuk shkon dot askund”, theksoi Rama.

Më tej, ai e cilësoi Melonin si një surprizë të madhe për klubin euroatlantik dhe një grua që ka karizmë.

Ajo është kaq e respektuar dhe më duket se është surpriza më e madhe për klubin euroatlantik që qartësisht nuk e priste, dhe tani gjendet përballë kësaj gruaje që ka një karizmë, që është e pabesueshme”, nënvizoi kreu i qeverisë shqiptare./ CNA

Lajmet e fundit nga