LEXO PA REKLAMA!

SHKARKO APP

Rama për median italiane/ Sot kemi kusht martesën me BE-në, më vonë gjërat mund të kompleksohen

11 Gusht 2023, 17:32, Politikë CNA
Rama për median italiane/ Sot kemi kusht martesën me BE-në,
Kryeministri Edi Rama

Kryeministri Edi Rama ka dhënë një tjetër intervistë për mediat italiane, kësaj radhe për emisionin “L’aria che Tira” në LA7.

Rama është pyetur lidhur me angazhimin e Shqipërisë për tu anëtarësuar në Bashkimin Evropian.

Ai tha se aktualisht Shqipëria është e angazhuar të anëtarësohet në BE, ndonëse theksoi se me kalimin e kohës gjërat mund të bëhen më komplekse.

“Ne kemi lindur me këtë ëndërr, e për herë të parë në historinë tonë të qindra vjetëve, ne na është dhënë mundësia të zgjedhim. Deri dje ishin të tjerët që zgjidhnin për ne, perandori, regjime, diktaturë dhe me radhë. Për herë të parë na ka takuar që ne të zgjedhim dhe zgjedhja jonë është shumë e qartë. Duam të jemi pjesë e Evropës, është ëndrra jonë dhe jemi vendi me euro-optimist i kontinentit. Sot për sot, mbase jemi si të dashuruar që duam të martohemi me çdo kusht, mbase më vonë gjërat mund të bëhen më komplekse. Por për momentin duam të jemi pjesë e Evropës, dhe Italia është aleati më i qenësishëm i yni. Dhe Giorgia kur shfaqet dhe flet në skenën ndërkombëtare, duket më e gjatë se unë. Ne do të vazhdojmë me aleancën tonë, do të vazhdojmë me këtë miqësi, Italia është aty për ne dhe ne ndihemi të bekuar që jemi afër jush”, u shpreh kreu i qeverisë./ CNA

Lajmet e fundit nga