LEXO PA REKLAMA!

SHKARKO APP

Veliaj: Analistët që më akuzojnë për kullën, kanë marrë vila me gjoba

12 Gusht 2023, 16:15, Politikë CNA
Veliaj: Analistët që më akuzojnë për kullën,
Kryebashkiaku i Tiranës, Erion Veliaj

Kryebashkiaku i Tiranës, Erion Veliaj, i është përgjigjur analistëve, të cilët e akuzojnë si personin që qëndron pas debatit për kullën “Mali i Tiranës”.

Veliaj tha në një dalje publike se analistët që e akuzojnë janë vetë me vila. Ai pretendon se këto vila analistët i kanë siguruar nëpërmjet gjobëvënies.

“Merrni kamerën shkoni në stadium sot, do të keni këtu gjithë analistët. Vetë janë të gjithë me vila, që kryesisht i kapin nga gjobëvënia. Keni sot gazetarë dhe analistë që jetojnë shumë më mirë se ata njerëz që kanë 30-40 vite që punojnë. Kështu që, në këtë sens këtu është bërë një lëmsh mes dy copave të Partisë Demokratike, dhe mendojnë që do i lajnë hesapet e tyre në kurriz të Tiranës.

Përsa i përket Bashkisë së Tiranës, konkursi ishte transparent, transparente leja, transparent taksa. Kurse për sa i përket sherreve që ka brenda Partisë Demokrate thoshin gjyshet tona: Kokat hëngshin. Por në qoftë se mendoni se ne jemi duke i qarë hallin kë të ndihmojmë vulën, apo Saliun, unë them përsëri kokat hëngshin, sepse Shqipëria ka parë keq si nga ajo familje e bashkuar, si nga ajo familje e copëtuar, ka prodhuar vetëm ligësi”, deklaroi kryebashkiaku i Tiranës./ CNA

Lajmet e fundit nga