LEXO PA REKLAMA!

SHKARKO APP

Ish-ministri, kritika të ashpra për zgjedhjet/ Do të jenë përherë një shfaqje e padenjë

30 Maj 2023, 14:17, Politikë CNA

Ish-ministri, kritika të ashpra për zgjedhjet/ Do të jenë

Ish-ministri i brendshëm, Sandër Lleshaj, i ka cilësuar të padenja zgjedhjet vendore të zhvilluara në Shqipëri.

Në një intervistë për mediat ai theksoi se shpresohet çdo herë për ndryshim kur zhvillohen zgjedhje, por sipas tij përsëritet i njëjti eksperiment.

Ai tha që për sa kohë zgjedhjet zhvillohen në po të njëjtën mënyrë si çdo vit atëherë nuk mund të shpresohet për ndryshim.

"Idiotësia përkufizohet si përpjekja për të përsëritur pa fund të njëjtin eksperiment, duke shpresuar çdo herë rezultate të ndryshme prej tij. Zgjedhjet lokale dhe ato të përgjithshme janë dhe do të jenë përherë një shfaqje e pa denjë, për sa kohë ato bëhen krejt ndryshe nga vendet e tjera demokratike. Për sa kohë që kjo gjë do të vazhdojë kështu, nuk mund të bëhemi naivë për të shpresuar ndonjë rezultat tjetër. Ne zgjedhim ndryshe nga bota. Zgjedhjet te ne organizohen dhe administrohen nga vetë partitë politike, të cilat janë në konflikt flagrant interesi. Te ne, numërimi i votave kryhet në pallate sporti nën ovacionet e shëmtuara të tifozëve partiakë, ndërkohë që në vendet e tjera numërimi kryhet në qendrën e votimit. Në ndryshim nga bota demokratike, identifikimi i votuesve, përmes biometrisë, damkosjes me bojë dhe masave të tjera është etikisht irritues e paragjykues dhe ekonomikisht tmerrësisht i shtrenjtë dhe plotësisht i pajustifikueshëm", tha ai./CNA.al

Lajmet e fundit nga