web counter
LEXO PA REKLAMA!

SHKARKO APP

App Store
Google Play

“Përgjegjës për “non grata”-n e Berishës është Basha”/ Tom Doshi u përgjigjet akuzave për shitblerje të votës

30 Maj 2023, 11:04, Politikë CNA
“Përgjegjës për “non grata”-n e Berishës
Kreu i PSD-së, Tom Doshi

Kreu i PSD-së, Tom Doshi, është shprehur se përgjegjës për "non grata"- e ish-kryeministrit Sali Berisha është Lulzim Basha.

Në një intervistë për "Top Story" ai tha se, te Berisha po vepron karma për atë që i bëri Ramiz Alisë kur e dërgoi si të deleguarin e pushtetit për të ndërmjetësuar me studentët e dhjetorit, si dhe mbajtjen pranë të Lulzim Bashës.

Sipas kreut të PSD-së, siç Berisha tradhtoi Ramiz Alinë edhe Basha i ktheu shpinën atij.

Në lidhje me akuzat për shitblerje të votave, Doshi ka një këshillë për Berishën: “shko krijo një parti, regjistrohu në gjykatë” si kryetar legjitim partie, por të mos bashkohet më me Bashën sepse “s’ka gjë në terezi”.

“Berishës në momentin që i prek interesat, vetëm hedh baltë, hedh vrerë. Lul Brava është prurja e atij. Sa ishte në pushtet, e çoi në të gjitha ministritë sepse e kishte ndër njerëzit më të besueshëm. Tani na dalka tradhtar ai.Të njëjtën gjë ka bërë Sali Berisha edhe me Ramiz Alinë. Ramizi e çoi si të besuar te studentët dhe ai e futi në burg. Unë kam pasur rastin të takoja Ramiz Alinë dhe e pyeta:

– Po si ka mundësi të sillet Berisha me ty kështu?

-Unë nuk e njihja, më tha. Ma pruri Xhelil Gjoni.

Unë e zgjodha si malësor sepse mendova se do të ma ruante kockën në fund të fundit.

Pra të njëjtën gjë i bëri edhe Luli Berishës. Edhe këto në lidhje me mua, që jam person 'non grata', këtë gjë e ka bërë Luli me shok. Edhe mua edhe atij.

Por Berisha s’po më lë rehat, duhet t’i përgjigjem me se s’bën.

Unë i bëj thirrje Berishës që:- Në radhë të parë bëj një parti njëherë, regjistroje në gjykatë, me qëllim që në mënyrë legjitime të zgjidhet kryetar partie.

Ose të bashkojë PD-në, edhe pse s’ka gjë më terezi po të bashkohet me Lulin dhe atë pjesën tjetër. Por në këto kushte që është sot, është kthyer në një zëdhënës i një grupimi politik. S’ka asnjë tagër”- tha Doshi./ CNA.al

 





Lajmet e fundit nga